യുഎഇ: 69,000 ദിർഹം ട്രാഫിക് പിഴയടക്കാൻ സുഹൃത്തിന്റെ ക്രെഡിറ്റ് കാർഡ് ഉപയോഗിച്ച യുവതിയോട് പണം തിരിച്ചടയ്ക്കാൻ ഉത്തരവിട്ട് കോടതി
അബുദാബിയിൽ സുഹൃത്തിന്റെ ക്രെഡിറ്റ് കാർഡ് ഉപയോഗിച്ച് 69,000 ദിർഹം ട്രാഫിക് പിഴയടച്ച യുവതിയോട് യുവാവിന് പണം തിരിച്ചടയ്ക്കാൻ ഉത്തരവ്. അറബ് യുവതി പണം നൽകാൻ വിസമ്മതിച്ചതിനെ തുടർന്ന് അബുദാബി ഫാമിലി ആൻഡ് സിവിൽ ആൻഡ് അഡ്മിനിസ്ട്രേറ്റീവ് ക്ലെയിംസ് കോടതിയാണ് ഉത്തരവിട്ടത്. എന്നാൽ യുവാവ് തന്നെ സഹായിക്കാനായാണ് കാർഡ് “സമ്മാനം” ആയി ഉപയോഗിക്കാൻ അനുവദിച്ചെന്നും അവർ അവകാശപ്പെട്ടു.
എന്നാൽ, കാർഡ് തിരികെ നൽകണമെന്നും 69,369 ദിർഹം ബിൽ അടയ്ക്കണമെന്നും ആവശ്യപ്പെട്ട് അറബ് യുവാവ് അവൾക്കെതിരെ കേസ് ഫയൽ ചെയ്തു. യുവതി ക്രെഡിറ്റ് കാർഡ് മുതലെടുത്ത് ട്രാഫിക് പിഴ അടയ്ക്കാൻ ഉപയോഗിച്ചുവെന്നാണ് റിപ്പോർട്ട്. കാർഡിനായി പണമൊന്നും നിക്ഷേപിച്ചിട്ടില്ലെന്നും ഹർജിക്കാരൻ പറഞ്ഞു. കോടതി വാദത്തിനിടെ, ട്രാഫിക് പിഴകൾക്കായി ക്രെഡിറ്റ് കാർഡ് ഉപയോഗിച്ചതായി യുവതി സമ്മതിച്ചു, എന്നാൽ ഇത് ഒരു സമ്മാനമാണെന്നും പണമടയ്ക്കൽ കരാർ ഉണ്ടാക്കിയിട്ടില്ലെന്നും പറഞ്ഞു.
എന്നാൽ യുവതിയുടെ വാദങ്ങൾ കോടതി തള്ളി. പുരുഷന് പണം നൽകുന്നതിനു പുറമേ, പരാതിക്കാരന്റെ നിയമപരമായ ചെലവുകൾ വഹിക്കാനും കോടതി ഉത്തരവിട്ടു.യുഎഇയിലെ വാര്‍ത്തകള്‍ തല്‍സമയം അറിയാന്‍ വാട്സ്ആപ്പ് ഗ്രൂപ്പില്‍ അംഗമാവുക https://chat.whatsapp.com/I0vE8wRtZ5mAvVn779HsWv
Comments (0)