ദുബായില്‍ വാഹനമോടിക്കുന്നവര്‍ക്ക് നിര്‍ദ്ദേശവുമായി അധികൃതര്‍
ദുബായ്: ദുബായില്‍ വാഹനമോടിക്കുന്നവര്‍ക്ക് നിര്‍ദ്ദേശവുമായി അധികൃതര്‍. ദുബായിലെ റോഡുകളുടെ വിശദാംശങ്ങള്‍ ദുബായ് പൊലീസിന്റെ വെബ്സൈറ്റായ dubaipolice.gov.ae യില്‍ നിന്നു മനസിലാക്കണമെന്ന് അധികൃതര്‍ നിര്‍ദ്ദേശിച്ചു. സുരക്ഷാ ഉറപ്പാക്കുന്നതിന്റെ ഭാഗമായി ഓരോ റോഡിന്റെയും വേഗപരിധി മനസിലാക്കണം. അതിനുശേഷം അമിത വേഗത്തിന് പിഴ ഈടാക്കും. ഉദാഹരണത്തിന്, റോഡിന്റെ വേഗ പരിധി മണിക്കൂറില്‍ 80 കി.മീ. ആണെങ്കില്‍ മണിക്കൂറില്‍ 20 കി.മീ. ബഫര്‍ ഉണ്ട്. അതിനാല്‍ 100 കിലോമീറ്റര്‍ വേഗത്തില്‍ വാഹനമോടിക്കുന്നുവെങ്കില്‍ അമിതവേഗത്തിന് പിഴ ഈടാക്കില്ല. മണിക്കൂറില്‍ 101 കിലോമീറ്റര്‍ വേഗത്തിലായാല്‍ റഡാര്‍ കടക്കുമ്പോള്‍ കാര്‍ ക്യാമറയില്‍ പിടിക്കപ്പെടും. ദുബായ് പൊലീസ് നല്‍കിയ പട്ടികയില്‍ ദുബായിലെ പ്രധാന റോഡുകളുടെ ചില അടിസ്ഥാന വിവരങ്ങള്‍ നല്‍കുന്നു.
വേഗപരിധി മണിക്കൂറില്‍ 60 കി.മീ മുതല്‍ 120 കി.മീ വരെ വ്യത്യാസപ്പെടുമ്പോള്‍, ഇവ എമിറേറ്റിലെ പ്രധാന റോഡുകളാണെന്നതും ഉയര്‍ന്ന വേഗപരിധിയുണ്ടെന്നതും ശ്രദ്ധിക്കേണ്ടതാണ്. സമീപപ്രദേശങ്ങള്‍ക്കും സ്‌കൂളുകള്‍ക്കും ചുറ്റുമുള്ള ഉള്‍പ്രദേശത്തെ റോഡുകള്‍ക്ക്, വേഗപരിധി പലപ്പോഴും കുറവാണ്- ഏകദേശം 40 കി.മീ. ആയിരിക്കും വേഗപരിധി. കൂടാതെ വാഹനമോടിക്കുന്നവര്‍ക്ക് ഗ്രേസ് സ്പീഡ് ലിമിറ്റ് ഉണ്ട്. മണിക്കൂറില്‍ 20 കിലോമീറ്ററാണ് ഇത് സാധാരണയായി ഉപയോഗിക്കുന്നത്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാന്‍ വാട്സ്ആപ്പ് ഗ്രൂപ്പില്‍ അംഗമാവുക https://chat.whatsapp.com/DNQ4kG0y2jbK1tEoXb1pcL
Comments (0)