Pravasiinfo

നവംബർ മാസത്തെ ഇന്ധന വില പ്രഖ്യാപിക്കാനൊരുങ്ങി യുഎഇ. ഇന്നോ, നാളെയോ പ്രഖ്യാപനം ഉണ്ടായേക്കുമെന്നാണ് വിവരം. ആഗോള ഇന്ധന വിലയ്ക്ക് അനുസൃതമായിട്ടാണ് ഇന്ധന വില പ്രഖ്യാപിക്കുക petrol price today. കഴിഞ്ഞ ജൂൺ മാസത്തിൽ ആദ്യമായി 4 ദിർഹം കടന്നിരുന്നു. എന്നാൽ ജൂലൈ മാസത്തിൽ രാജ്യത്ത് വില വീണ്ടും ഉയർന്നു. സൂപ്പർ 98 ലിറ്ററിന് 4.63 ദിർഹമായിരുന്നു അന്നത്തെ വില. ഫെബ്രുവരിയിൽ തുടങ്ങിയ റഷ്യ-ഉക്രെയ്ൻ സംഘർഷത്തിന്റെ പശ്ചാത്തലത്തിലാണ് വില വർധിച്ചത്. എന്നാൽ, പിന്നീട് ഓഗസ്റ്റ് മുതൽ തുടർച്ചയായി മൂന്ന് മാസമായി ഇന്ധന വില കുറച്ചത് താമസക്കാർക്ക് ആശ്വാസമായിരുന്നു. ഒക്ടോബറിൽ സൂപ്പർ 98 പെട്രോൾ ലിറ്ററിന് 3.03 ദിർഹമാണ് വില. ജൂലൈയിലെ വിലയുമായി താരതമ്യം ചെയ്യുമ്പോൾ 1.6 ദിർഹത്തിന്റെ ഇടിവാണുള്ളത്. അതോടൊപ്പം, താമസക്കാരുടെ ഇന്ധന, പലചരക്ക് ബില്ലുകളും സ്ഥിരമായി കുറയുന്നുണ്ട്. ഇതോടെ ചിലർക്ക് എല്ലാ മാസവും ഇന്ധന ബില്ലിൽ മാത്രം 600 ദിർഹം വരെ ലാഭിക്കാം. വെള്ളിയാഴ്ച ആഗോള വിപണിയിൽ എണ്ണവില ഇടിഞ്ഞിരുന്നു. മുൻനിര ക്രൂഡ് ഇറക്കുമതിക്കാരായ ചൈന കോവിഡ് -19 നിയന്ത്രണങ്ങൾ വർദ്ധിപ്പിച്ചതിനെത്തുടർന്ന് വില ഇടിഞ്ഞത്. ബ്രെന്റ് ഫ്യൂച്ചറുകൾ ബാരലിന് 95.77 ഡോളറായി കുറഞ്ഞപ്പോൾ യുഎസ് വെസ്റ്റ് ടെക്സസ് ഇന്റർമീഡിയറ്റ് (ഡബ്ല്യുടിഐ) ക്രൂഡ് വില 87.90 ഡോളറായി. റഷ്യൻ ക്രൂഡ് ഇറക്കുമതിക്ക് യൂറോപ്യൻ രാജ്യങ്ങൾ നിരോധനം ഏർപ്പെടുത്തുന്നതിനാൽ ഊർജ്ജ വിതരണത്തിൽ ആശങ്കകൾ നിലനിൽക്കുന്നുണ്ട്. 2015-ൽ യുഎഇ ഇന്ധനവില ഉദാരമാക്കുകയും പ്രാദേശിക ഇന്ധനവില ആഗോള എണ്ണവിലയുമായി കണക്കാക്കി തീരുമാനിക്കാൻ തുടങ്ങുകയും ചെയ്തിരുന്നു. യുഎഇ ഗവൺമെന്റിന്റെ അഭിപ്രായത്തിൽ, ഇന്ധന ഉപഭോഗം യുക്തിസഹമാക്കാനും ദീർഘകാലാടിസ്ഥാനത്തിൽ പൊതുഗതാഗതത്തിന്റെ ഉപയോഗം പ്രോത്സാഹിപ്പിക്കാനും ബദൽ ഇന്ധനങ്ങളുടെ ഉപയോഗത്തെ പ്രോത്സാഹിപ്പിക്കാനും ഈ നീക്കം സഹായിക്കുന്നു. അതിനുശേഷം, യുഎഇയുടെ ഇന്ധന വില കമ്മിറ്റി എല്ലാ മാസവും അവസാന ആഴ്ചയിൽ പുതുക്കിയ പ്രതിമാസ നിരക്കുകൾ പ്രഖ്യാപിക്കുന്നുണ്ട്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Lw1dHvv807iKIFpHAQPBlY