![](https://www.pravasiinfo.com/wp-content/uploads/2022/11/port-fire.jpg)
jebel ali jafzaദുബായ് തുറമുഖത്തെ തീപിടുത്തം: ഉത്തരവാദികളെന്ന് കണ്ടെത്തിയ അഞ്ച് പ്രവാസികളുടെ ജയില് ശിക്ഷ ശരിവെച്ച് കോടതി
ദുബൈ: ദുബൈയിലെ ജബല് അലി തുറമുഖത്തുണ്ടായ തീപിടുത്തില് കുറ്റക്കാരാണെന്ന് jebel ali jafza കണ്ടെത്തിയ അഞ്ച് പ്രവാസികളുടെ ജയില് ശിക്ഷ ശരിവെച്ച് കോടതി. അഞ്ച് പേർക്കും ഒരു മാസം വീതമുള്ള ജയിൽശിക്ഷയാണ് വിധിച്ചത്. തീപിടിച്ച കപ്പലിന്റെ ക്യാപ്റ്റനായിരുന്ന ഇന്ത്യക്കാരന്, ഷിപ്പിങ്, മറൈന്, ട്രേഡിങ്, കാര്ഗോ കമ്പനികളുടെ ചുമതലകള് വഹിച്ചിരുന്ന നാല് പാകിസ്ഥാന് സ്വദേശികള് എന്നിവരാണ് ശിക്ഷിക്കപ്പെട്ടത്. കപ്പലിന്റെ ഉടമസ്ഥര് ഉള്പ്പെടെ നാല് ഷിപ്പിങ് കമ്പനികള്ക്ക് ഒരു ലക്ഷം ദിര്ഹം വീതം പിഴയും കോടതി വിധിച്ചു. നേരത്തെ ദുബായ് പ്രാഥമിക കോടതി പുറപ്പെടുവിച്ച ശിക്ഷാ വിധി, അപ്പീല് കോടതി ശരിവെയ്ക്കുകയായിരുന്നു. കഴിഞ്ഞ വര്ഷം ജൂലൈ മാസത്തിലാണ് ജബല് അലി തുറമുഖത്ത് ചരക്കുകപ്പലില് പൊട്ടിത്തെറിയും തീപിടുത്തവും ഉണ്ടായത്. ആകെ 24 ദശലക്ഷം ദിര്ഹത്തിന്റെ നാശനഷ്ടങ്ങളാണ് തീപിടുത്തം ഉണ്ടാക്കിയത്. തീപിടുത്തത്തില് കണ്ടെയ്നറുകളില് ഉണ്ടായിരുന്ന വിവിധ സാധനങ്ങള്ക്ക് കത്തിനശിച്ചു. കൂടാതെ പോര്ട്ട് ബെര്ത്തിന്റെ ഭാഗങ്ങളും തുറമുഖത്ത് കണ്ടെയ്നറുകള് കയറ്റുകയും ഇറക്കുകയും ചെയ്യുന്ന യന്ത്രോപകരണങ്ങളും നശിച്ചു. തീപിടുത്തത്തിന് കാരണമായത്കപ്പലില് കയറ്റിയ 640 ബാരല് ഓര്ഗാനിക് പെറോക്സൈഡ് ആണ് . വേണ്ടത്ര ശ്രദ്ധയില്ലാതെ ഇത് തുറമുഖത്ത് സൂക്ഷിച്ചതാണ് പൊട്ടിത്തെറിയിലേക്ക് നയിച്ചത്. ഒരു ഷിപ്പിങ് കമ്പനിക്കും രണ്ട് കാര്ഗോ കമ്പനികള്ക്കും ഒരു മറൈസ് സര്വീസസ് സ്ഥാപനത്തിനും ഒരു ട്രേഡിങ് കമ്പനിക്കും ഒരു ലക്ഷം ദിര്ഹം വീതം കോടതി പിഴ ചുമത്തിയിട്ടുണ്ട്. ആകെ 2.47 കോടി ദിര്ഹത്തിന്റെ നാശനഷ്ടങ്ങളാണ് അപകടത്തെ തുടര്ന്ന് ഉണ്ടായത്. കേസ് ഇനി സിവില് കോടതി പരിഗണിക്കും.ചൈനയില് നിന്ന് ജൂണ് 27നാണ് ഓര്ഗാനിക് പെറോക്സൈഡ് കണ്ടെയ്നറുകള് ദുബൈയിലെത്തിയത്. തുടര്ന്ന് ഇവ 12 ദിവസം വെയിലത്ത് അലക്ഷ്യമായി സൂക്ഷിക്കുകയായിരുന്നു. വേണ്ടത്ര മുന്കരുതലില്ലാതെ കണ്ടെയ്നറുകള് സൂക്ഷിച്ചതാണ് അപകടമുണ്ടാകാൻ കാരണം. സംഭവത്തില് ഉത്തരവാദികളായ ഓരോരുത്തരും വീഴ്ച വരുത്തിയിട്ടുണ്ടെന്ന് കണ്ടെത്തിയതിനെ തുടർന്നാണ് കോടതി ശിക്ഷ വിധിച്ചത്.
യുഎഇയിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക
https://chat.whatsapp.com/BYULpH1m1V98mcEAAWcppq
Comments (0)