Pravasiinfo

നിങ്ങൾ ഇന്ത്യൻ നിന്നുള്ള പ്രവാസിയാണോ? നിങ്ങളോടൊപ്പം താമസിക്കുന്നതിനായി നാട്ടിൽ നിന്ന് ഒരു ​ഗാർഹിക domestic housekeeping തൊഴിലാളിയെ കൊണ്ടുവരാൻ നിങ്ങൾ ആ​ഗ്രഹിക്കുന്നുണ്ടോ? എങ്കിൽ ഇക്കാര്യങ്ങൾ നിങ്ങളഅ‍ തീർച്ചയായും അറിഞ്ഞിരിക്കേണ്ടതുണ്ട്. ഇന്ത്യയിൽ നിന്ന് നിങ്ങൾ റിക്രൂട്ട് ചെയ്യാൻ ഉദ്ദേശിക്കുന്ന ​ഗാർഹിക തൊഴിലാളിക്ക് ECR (എമിഗ്രേഷൻ ചെക്ക് ആവശ്യമാണ്). ഗാർഹിക തൊഴിലാളികളെ സംബന്ധിച്ച 2022 ലെ 9-ാം നമ്പർ ഫെഡറൽ ഡിക്രി നിയമത്തിലെ വ്യവസ്ഥകൾ (‘UAE ഗാർഹിക തൊഴിലാളി നിയമം’) യുഎഇയിലെ ഗാർഹിക തൊഴിലാളികളുടെ നിയമനത്തിന് ബാധകമാണ്. 2022 ഡിസംബർ 5 മുതൽ ആണ് യുഎഇ ഗാർഹിക തൊഴിലാളി നിയമം പ്രാബല്യത്തിൽ വന്നത്. നിയമത്തിന്റെ ആർട്ടിക്കിൾ 11, തൊഴിലുടമകളുടെ കടമകളെ പറ്റിയാണ് പറയുന്നത്. അതായത്, തൊഴിലാളിക്ക് ഉചിതമായ താമസസൗകര്യം, ജോലി ചെയ്യാനുള്ള സൗകര്യങ്ങൾ, ഡ്യൂട്ടി നിർവഹിക്കുന്നതിന് ആവശ്യമായ ഭക്ഷണം, വസ്ത്രം, യഥാസമയം ശമ്പളം നൽകുക, ചികിത്സാ ചെലവുകൾ വഹിക്കുക, തൊഴിലാളിയോടുള്ള ബഹുമാനവും മര്യാദയും, സ്വദേശത്തേക്ക് കൊണ്ടുപോകുന്നതിനുള്ള ചിലവുകളും വഹിക്കുക എന്നിവയാണ് ഇതിൽ പറയുന്നത്. ​ഗാർഹിക തൊഴിലാളിയെ രാജ്യത്തേക്ക് കൊണ്ടുവരുന്നതിനായി നിങ്ങൾ ഗവൺമെന്റിന്റെ (‘ഇ-മൈഗ്രന്റ്’) ഇ-മൈഗ്രന്റ് വെബ് പോർട്ടലിൽ (www.emigrate.gov.in) രജിസ്റ്റർ ചെയ്യുകയും ഒരു അപേക്ഷ സമർപ്പിക്കുകയും വേണം. അതിനുശേഷം, രേഖകൾ സാക്ഷ്യപ്പെടുത്തുന്നതിന് നിങ്ങൾക്ക് യുഎഇയിലെ ഇന്ത്യൻ എംബസിയും കോൺസുലേറ്റ് ജനറൽ ഓഫ് ഇന്ത്യയും അംഗീകരിച്ച മൂന്നാം കക്ഷി സേവന ദാതാവായ IVS ഗ്ലോബൽ സർവീസസിനെ (‘IVS’) സമീപിക്കാം. IVS സെന്ററിൽ, നിർദ്ദിഷ്ട ഗാർഹിക തൊഴിലാളിയുടെ തൊഴിൽ വിസയുടെ സ്പോൺസർ എന്ന നിലയിൽ, ഗാർഹിക തൊഴിലാളിയുമായി നിങ്ങൾക്ക് ബന്ധമില്ലെന്ന് സ്ഥിരീകരിക്കുന്ന ഒരു സത്യവാങ്മൂലവും സമർപ്പിക്കേണ്ടതുണ്ട്. അത് അത് ഇന്ത്യൻ കോൺസുലേറ്റ് ജനറലിലെ ഒരു ഉദ്യോഗസ്ഥൻ സാക്ഷ്യപ്പെടുത്തുകയും ചെയ്യണം. മേൽപ്പറഞ്ഞ നടപടിക്രമങ്ങൾ പൂർത്തിയായിക്കഴിഞ്ഞാൽ, മാനവ വിഭവശേഷി, എമിറേറ്റൈസേഷൻ മന്ത്രാലയം (‘MOHRE’) മുഖേന നിർദ്ദിഷ്ട ഗാർഹിക തൊഴിലാളിയുടെ തൊഴിൽ വിസയ്ക്ക് (എൻട്രി പെർമിറ്റ്) നിങ്ങൾ അപേക്ഷിക്കണം. ഇതിനായി നിങ്ങളുടെ പാസ്‌പോർട്ടിന്റെ ഒരു പകർപ്പ് നൽകേണ്ടി വരും. യഥാർത്ഥ എമിറേറ്റ്സ് ഐഡി, നിർദ്ദിഷ്ട ഗാർഹിക ജീവനക്കാരന്റെ പാസ്പോർട്ടിന്റെ പകർപ്പ്, ജീവനക്കാരന്റെ പാസ്പോർട്ട് സൈസ് ഫോട്ടോ (വെളുത്ത ബാക്ക് ഗ്രൗണ്ട്), നിങ്ങളുടെ പങ്കാളിയുടെ പാസ്‌പോർട്ടിന്റെയും എമിറേറ്റ്‌സ് ഐഡിയുടെയും പകർപ്പ്, ഇന്ത്യയിലും യുഎഇയിലും കൃത്യമായി സാക്ഷ്യപ്പെടുത്തിയ നിങ്ങളുടെ വിവാഹ സർട്ടിഫിക്കറ്റിന്റെ പകർപ്പ്, വാടക കരാറും വാടകയ്‌ക്ക് എടുത്ത അപ്പാർട്ട്‌മെന്റിന്റെ എജാരിയും (കുറഞ്ഞത് രണ്ട് കിടപ്പുമുറികളെങ്കിലും) അല്ലെങ്കിൽ നിങ്ങളുടെ ഉടമസ്ഥതയിലുള്ള (കുറഞ്ഞത് രണ്ട് കിടപ്പുമുറികളെങ്കിലും ഉണ്ടാകണം) നിങ്ങളുടെ റെസിഡൻഷ്യൽ പ്രോപ്പർട്ടിയുടെ പകർപ്പ്, യൂട്ടിലിറ്റി ബിൽ, നിങ്ങളുടെ ബാങ്ക് സ്റ്റേറ്റ്മെന്റിന്റെ പകർപ്പ്, നിങ്ങളുടെ തൊഴിൽ കരാറിന്റെ പകർപ്പും നിങ്ങളുടെ തൊഴിലുടമ നൽകിയ ശമ്പള സർട്ടിഫിക്കറ്റും ഹാജരാക്കേണ്ടി വരും.
അതോടൊപ്പം ആവശ്യാനുസരണം റീഫണ്ടബിൾ ഡെപ്പോസിറ്റ് നൽകുകയും വേണം. ഇന്ത്യൻ കോൺസുലേറ്റ് ജനറൽ – ദുബായ്. ഗാർഹിക തൊഴിലാളിയുടെ എൻട്രി പെർമിറ്റ് ഐവിഎസ് സാക്ഷ്യപ്പെടുത്തിക്കഴിഞ്ഞാൽ, ഇ-മൈഗ്രന്റ് വഴി ഒരു കരാർ ഉണ്ടാക്കുകയും പ്രസ്തുത കരാർ നിർദ്ദിഷ്ട ഗാർഹിക തൊഴിലാളിക്ക് അയയ്ക്കുകയും ചെയ്യും. അതിനുശേഷം, നിർദ്ദിഷ്ട ഗാർഹിക തൊഴിലാളിക്ക് യുഎഇയിലേക്ക് പോകുന്നതിന് എമിഗ്രേഷൻ ക്ലിയറൻസുകൾ ലഭിക്കുന്നതിന്, സാക്ഷ്യപ്പെടുത്തിയ എൻട്രി പെർമിറ്റോടുകൂടിയ കരാർ ഇന്ത്യയിലെ പ്രൊട്ടക്ടർ ഓഫ് എമിഗ്രന്റ്സിന് (പിഒഇ) അയയ്ക്കും. അവസാനമായി, മുകളിൽ പറഞ്ഞവ പൂർത്തിയായിക്കഴിഞ്ഞാൽ, GDRFA നൽകുന്ന എൻട്രി പെർമിറ്റിൽ നിങ്ങളുടെ നിർദ്ദിഷ്ട ഗാർഹിക തൊഴിലാളിക്ക് യുഎഇയിലേക്ക് വരാം. ഒരു എൻട്രി ഇന്റർവ്യൂവിനായി എത്തിച്ചേരുന്ന തീയതി മുതൽ രണ്ടാഴ്ചയ്ക്കുള്ളിൽ നിങ്ങൾ കോൺസുലേറ്റ് ജനറൽ ഓഫ് ഇന്ത്യ – ദുബായ് ലേക്ക് തൊഴിലാളിയെ അനുഗമിക്കേണ്ടതായി വന്നേക്കാം. അതിനുശേഷം, നിങ്ങൾ MOHRE തൊഴിൽ കരാറിൽ ഒപ്പിടുന്നതിനുള്ള ക്രമീകരണങ്ങൾ ചെയ്യേണ്ടതുണ്ട്. കൂടാതെ, നിർദ്ദിഷ്ട ഗാർഹിക തൊഴിലാളി മെഡിക്കൽ ഫിറ്റ്നസ് പരിശോധനയ്ക്ക് വിധേയനാകേണ്ടതുണ്ട്, കൂടാതെ നിങ്ങൾ തൊഴിലാളിയുടെ ആരോഗ്യ ഇൻഷുറൻസിനും എമിറേറ്റ്സ് ഐഡിക്കും അപേക്ഷിക്കേണ്ടതുണ്ട്. ഈ വിഷയത്തിൽ കൂടുതൽ വ്യക്തതകൾക്കായി, നിങ്ങൾക്ക് MOHRE, GDRFA, കോൺസുലേറ്റ് ജനറൽ ഓഫ് ഇന്ത്യ – ദുബായ്-യുടെ തൊഴിൽ വിഭാഗം എന്നിവയുമായി ബന്ധപ്പെടാവുന്നതാണ്. പകരമായി, ഇന്ത്യയിൽ നിന്ന് ജോലിക്കാരെ നിയമിക്കുന്നതിനെക്കുറിച്ചുള്ള കൂടുതൽ വിവരങ്ങൾക്ക്, യുഎഇയിലെ പ്രവാസി ഇന്ത്യക്കാർക്കായി ഇന്ത്യാ ഗവൺമെന്റ് സ്ഥാപിച്ച ക്ഷേമ സംരംഭ കേന്ദ്രമായ പ്രവാസി ഭാരതീയ സഹായ കേന്ദ്രവുമായി (PBSK) അതിന്റെ ടോൾ ഫ്രീ നമ്പറായ 800-46342-ൽ ബന്ധപ്പെടാവുന്നതാണ്.

യുഎഇയിലെ വാർത്തകളും തൊഴിൽ അവസരങ്ങളുംഅതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DQYR7i1UOC63pUvMNTndW5

ഇം​ഗ്ലീഷ് സംസാരിക്കാൻ ഇത്ര എളുപ്പമായിരുന്നോ? ഇം​ഗ്ലീഷുകാരനെപ്പോലെ സംസാരിക്കാൻ ഇത് മാത്രം മതി

Usd Phpമൂല്യം അറിഞ്ഞ് സമ്പാദ്യം നാട്ടിലേക്ക് അയ്ക്കാം; ഇന്നത്തെ യുഎഇ ദിർഹം – രൂപ വിനിമയ നിരക്ക് ഇപ്രകാരം

​expat ഗൾഫിൽ മലയാളി ഉംറ സംഘം സഞ്ചരിച്ച വാഹനം അപകടത്തിൽപെട്ടു; പിഞ്ചു കുഞ്ഞിന് ദാരുണാന്ത്യം; 5 പേർക്ക് പരിക്ക്

family court near meകടം വാങ്ങിയ പണം തിരികെ നൽകിയില്ല; യുഎഇയിൽ ഭാര്യയ്ക്കെതിരെ പരാതിയുമായി യുവാവ് കോടതിയിൽ

sim swap fraudപൊലീസാണെന്ന് പറഞ്ഞ് ഫോൺ വിളിച്ച് പണം തട്ടിപ്പ്; യുഎഇയിൽ പ്രവാസി മലയാളിക്ക് നഷ്ടമായത് വൻ തുക

weather stationയുഎഇയിൽ മഴ പെയ്യാൻ സാധ്യത; താപനില കുറയും, മൂടൽമഞ്ഞ് രൂപപ്പെട്ടേക്കും