![](https://www.pravasiinfo.com/wp-content/uploads/2023/04/ex-3.jpg)
expat പെരുന്നാൾ ദിവസം റോഡരികിൽ ഉമ്മയുമായി ഫോണിൽ സംസാരിക്കവെ നിയന്ത്രണം വിട്ടെത്തിയ കാറിടിച്ചു; യുഎഇയിൽ പ്രവാസി മലയാളി യുവാവിന് ദാരുണാന്ത്യം
ഉമ്മുൽഖുവൈൻ: യുഎഇയിൽ പ്രവാസി മലയാളി യുവാവിന് വാഹനാപകടത്തിൽ ദാരുണാന്ത്യം expat. മലപ്പുറം വളാഞ്ചേരി എടയൂർ പൂക്കാട്ടിരി സ്വദേശി ടി.ടി. ജസീമാണ് ഉമ്മുൽഖുവൈനിൽ മരിച്ചത്. 32 വയസ്സായിരുന്നു. വെള്ളിയാഴ്ച രാത്രിയാണ് അപകടം നടന്നത്. റോഡരികിൽ ഫോണിൽ സംസാരിച്ചു നിൽക്കവേ നിയന്ത്രണം വിട്ടു വന്ന വാഹനം ഫുട്പാത്തിലേക്ക് പാഞ്ഞുകയറി ജസീമിനെ ഇടിക്കുകയായിരുന്നു. ദുബായിൽ എഞ്ചിനീയറായി ജോലി ചെയ്യുന്ന ജസീം റാഷിദിയയിലാണ് താമസം. കുടുംബത്തോടൊപ്പം ഉമ്മുൽഖുവൈനിൽ ഈദ് ആഘോഷിക്കാൻ എത്തിയതായിരുന്നു ജസീം. റിട്ട. ഡിവൈ.എസ്.പി ടിടി. അബ്ദുൽ ജബ്ബാറിൻറെയും റംലയുടെയും മകനാണ്. ഉമ്മുൽഖുവൈൻ ആശുപത്രിയിൽ സൂക്ഷിച്ചിരിക്കുന്ന മൃതദേഹം ഹംപാസ് പ്രതിനിധികളുടെ നേതൃത്വത്തിൽ നാട്ടിലെത്തിക്കാൻ നടപടി പുരോഗമിക്കുന്നു. ഭാര്യ: സീനത്ത്. മക്കൾ: യമിൻ മരക്കാർ, ഫിൽഷ.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/HhuLw1Z3cozH7Y2TRZsBhQ
Comments (0)