![](https://www.pravasiinfo.com/wp-content/uploads/2023/05/sea-world.jpg.image_.845.440.jpg)
sea in the world കാണാം അത്ഭുതക്കാഴ്ചകൾ; ലോകത്തിലെ ഏറ്റവും വലിയ മറൈൻ തീം പാർക്ക് ഇനി യുഎഇയ്ക്ക് സ്വന്തം
അബുദാബി∙ ലോകത്തിലെ ഏറ്റവും വലിയ മറൈൻ തീം പാർക്കായ ‘സീ വേൾഡ് അബുദാബി’ ഇന്ന് മുതൽ പൊതുജനങ്ങൾക്കായി sea in the world തുറക്കും. വിനോദസഞ്ചാര മേഖലയിലെ ഏറ്റവും പുതിയ ആകർഷണമായ യാസ് ഐലൻഡിലെ സീവേൾഡ് അബുദാബി കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ ഉദ്ഘാടനം ചെയ്തു. ഉദ്ഘാടനശേഷം ശൈഖ് ഖാലിദ് സീവേൾഡ് ചുറ്റിക്കണ്ടു. സമുദ്രജീവികളെക്കുറിച്ച് സന്ദർശകർക്ക് ബോധ്യപ്പെടുന്ന രീതിയിലാണ് 1,83,000 ചതുരശ്ര മീറ്ററിൽ വിനോദവും വിജ്ഞാനവും സംഗമിപ്പിച്ച് സീവേൾഡ് യാസ് ഐലൻഡ് ഒരുക്കിയിരിക്കുന്നത്. മിറാലിൻറെ പങ്കാളിത്തത്തോടെയാണ് സീവേൾഡ് പാർക്സ് ആൻഡ് എന്റർടെയിൻമെൻറ് സീവേൾഡ് യാസ് ഐലൻഡ് നിർമിച്ചത്. ഗവേഷണ, റെസ്ക്യൂ, പുനരധിവാസ, വിദ്യാഭ്യാസ കേന്ദ്രം കൂടിയായാണ് സീവേൾഡിനെ സജ്ജീകരിച്ചിരിക്കുന്നത്. വ്യത്യസ്ത പ്രമേയങ്ങളിൽ 8 സോണുകളാക്കി തിരിച്ചു 5 നിലകളിലായി 1.83 ലക്ഷം ചതുരശ്ര മീറ്റർ വിസ്തൃതിയിലാണ് ഈ കടൽ കൊട്ടാരം. 2.5 കോടി ലീറ്റർ ജലം ഉൾക്കൊള്ളുന്ന സീ വേൾഡിൽ വിവിധ ഇനം ഡോൾഫിൻ, കടൽ നക്ഷത്രം, അരയന്നം, പെൻഗ്വിൻ, വ്യത്യസ്ഥ ഇനം സ്രാവുകൾ, മത്സ്യങ്ങൾ, കടലാമകൾ, ഉരഗങ്ങൾ തുടങ്ങി 150ലേറെ ഇനങ്ങളിലായി ഒരു ലക്ഷത്തിലേറെ കടൽജീവികളെ കാണാം. കണ്ടൽക്കാടുകൾ, ഫോസിൽ ഡ്യൂൺസ്, പർവ്വതങ്ങൾ, ഗുഹകൾ, പാറക്കെട്ടുകൾ, പവിഴപ്പുറ്റുകൾ തുടങ്ങി തനത് ആവാസ വ്യവസ്ഥകളിലാണ് ഇവയെ സംരക്ഷിച്ചിരിക്കുന്നത്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/HhuLw1Z3cozH7Y2TRZsBhQ
Comments (0)