പ്രശസ്ത ഫുട്ബോൾ താരം വെടിയേറ്റ് മരിച്ചു
കരീബിയൻ നഗരമായ കോളണിൽ പനാമിയൻ രാജ്യാന്തര ഫുട്ബോൾ ഡിഫൻഡർ ഗിൽബെർട്ടോ ഹെർണാണ്ടസിനെ അജ്ഞാതരായ തോക്കുധാരികൾ വെടിവച്ചു കൊന്നതായി പോലീസ് തിങ്കളാഴ്ച അറിയിച്ചു. ലയണൽ മെസ്സിയുടെ അർജന്റീനയ്‌ക്കെതിരായ സൗഹൃദമത്സരം ഉൾപ്പെടെ ഈ വർഷം മാർച്ചിൽ പനാമയ്‌ക്കായി രണ്ട് ക്യാപ്‌സ് നേടിയ താരമാണ് ഹെർണാണ്ടസ്. വെടിവെപ്പിൽ മറ്റ് ആറ് പേർക്ക് പരിക്കേറ്റു.
പനാമ സിറ്റിക്ക് വടക്ക് 50 മൈൽ (80 കിലോമീറ്റർ) അകലെയുള്ള കോളണിലെ കുറ്റകൃത്യങ്ങളുടെ നിരക്ക് വളരെ കൂടുതലാണ്, എതിരാളികളായ മയക്കുമരുന്ന് സംഘങ്ങൾ തമ്മിലുള്ള പോരാട്ടത്തിനിടയിലാണ് സംഭവമെന്നാണ് നിഗമനം. കോളനിലെ “നിരവധി ഓപ്പറേഷനുകൾക്കും തിരച്ചിൽ നടപടിക്രമങ്ങൾക്കും” ശേഷം വെടിവയ്പ്പുമായി ബന്ധപ്പെട്ട് ഒരു പ്രതിയെ തിങ്കളാഴ്ച അറസ്റ്റ് ചെയ്തതായി പോലീസ് പറഞ്ഞു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Fp9JJWwTfsV8NVJ6dibhCf
Comments (0)