![](https://www.pravasiinfo.com/wp-content/uploads/2023/12/bb9e1edb-601f-444b-9ded-f10a9f3c8b73.jpg)
കാണാതായ ഇന്ത്യൻ വിദ്യാർഥിയുടെ മൃതദേഹം തടാകത്തിൽ കണ്ടെത്തി
യുകെയിൽ കാണാതായ ഇന്ത്യൻ വിദ്യാർത്ഥി ഗുരശ്മാൻ സിങ് ഭാട്ടിയയുടെ മൃതദേഹം കിഴക്കൻ ലണ്ടനിലെ കാനറി വാർഫ് ഏരിയയിലെ തടാകത്തിൽ നിന്ന് പൊലീസ് കണ്ടെത്തി. ഡിസംബര് 14ന് അര്ദ്ധരാത്രി കാണാതായ 23 വയസുകാരന് ഗുരഷ്മാന് സിങ് ഭാട്ടിയയുടെ കണ്ടെത്തിയത്. ഗുരശ്മാൻ സിങ് ഭാട്ടിയ ലോഫ്ബറോ സർവകലാശാലയിൽ ഡിജിറ്റൽ ഫിനാൻസിൽ എംഎസ്സിക്ക് പഠിക്കുകയായിരുന്നു. ജലന്ധറിലെ മോഡല് ടൗണ് സ്വദേശിയായ അദ്ദേഹത്തെ തന്റെ ജന്മദിനം കൂടിയായിരുന്ന ഡിസംബര് 15ന് പുലര്ച്ചെയാണ് കാണാതായത്. കാണാതാവുന്ന രാത്രി കുടുംബാംഗങ്ങളെ വീഡിയോ കോളില് ബന്ധപ്പെട്ട ഗുരഷ്മാന്, ജന്മദിന ആഘോഷവുമായി ബന്ധപ്പെട്ട പദ്ധതികളെക്കുറിച്ച് മാതാപിതാക്കളെ അറിയിച്ചിരുന്നു. എന്നാല് അതിന് ശേഷം അവര്ക്ക് അവനുമായി ബന്ധപ്പെടാന് സാധിച്ചിരുന്നില്ല. സുഹൃത്തുക്കളോടൊപ്പം പുറത്തുപോയ ഗുരഷ്മാനെ കാണാതായെന്നാണ് പ്രാദേശിക റിപ്പോര്ട്ടുകള്. കാനറി വാര്ഫില് നിന്ന് പൊലീസിലെ മുങ്ങല് വിദഗ്ധരാണ് മൃതദേഹം കണ്ടെത്തിയത്.
ഗുരശ്മാൻ സിങ് ഭാട്ടിയയ്ക്ക് വേണ്ടി വിപുലമായ അന്വേഷണമാണ് പൊലീസ് നടത്തിയത്. സിസിടിവി ദൃശ്യങ്ങൾ പരിശോധിച്ചും സാക്ഷികളോട് സംസാരിച്ചും വിദ്യാർഥിയുടെ ഫോൺ, സാമ്പത്തിക വിവരങ്ങൾ എന്നിവ വിശകലനം ചെയ്തുമാണ് അന്വേഷണം നടത്തിയത്. ഗുരശ്മാന്റെ മരണം അപ്രതീക്ഷിതമാണെന്ന് പൊലീസ് പറഞ്ഞു. നിലവിൽ സംശയാസ്പദമാണെന്ന് കരുതുന്ന ഒന്നും കണ്ടെത്തിയിട്ടില്ല. എങ്കിലും കൂടുതൽ വിശദമായ അന്വേഷണം നടത്തുമെന്ന് പ്രാദേശിക പൊലീസിന്റെ ചുമതലയുള്ള ഡിറ്റക്റ്റീവ് ചീഫ് സൂപ്രണ്ട് (ഡിസിഐ) ജെയിംസ് കോൺവേ പറഞ്ഞു. വിദ്യാര്ത്ഥിയെ കാണാതായത് മുതല് സോഷ്യല് മീഡിയയിലൂടെയും മറ്റും വ്യാപക ക്യാമ്പയിനുകള് നടന്നിരുന്നു. കേന്ദ്ര വിദേശകാര്യ മന്ത്രി എസ്. ജയ്ശങ്കറിനെയും ബന്ധുക്കള് വിവരം ധരിപ്പിച്ച് സഹായം തേടിയിരുന്നു. പല ഭാഗങ്ങളില് നിന്നുള്ള അന്വേഷണം നടക്കുന്നതിനിടെയാണ് മൃതദേഹം കണ്ടെത്തിയ വാര്ത്ത പുറത്തുവന്നത്. ഔദ്യോഗികമായ തിരിച്ചറിയല് നടപടികള് പൂര്ത്തിയായിട്ടില്ലെന്നും ഗുരഷ്മാന് സിങ് ഭാട്ടിയയുടെ കുടുംബത്തെ വിവരം അറിയിച്ചിട്ടുണ്ടെന്നും പൊലീസ് പറഞ്ഞു. ലോഫ്ബറോ സര്വകലാശാലയിലെ എം.എസ്.സി ഡിജിറ്റല് ഫിനാന്സ് വിദ്യാര്ത്ഥിയായിരുന്ന ഗുരഷ്മാന് സിങ് ഭാട്ടിയ കഴിഞ്ഞ ജനുവരിയിലാണ് യുകെയിലെത്തിയത്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/HP0AA4FnHJE2TnL5bt71dE
Comments (0)