Pravasiinfo

ബജറ്റ് എയർലൈനായ എയർ അറേബ്യയുടെ ഷാർജ-സുഹാർ സർവീസിന് ഇന്നലെ തുടക്കമായി. തിങ്കൾ, ബുധൻ, വ്യാഴം എന്നീ ദിവസങ്ങളിൽ മൂന്ന് സർവീസുകളാണുള്ളത്. ഒരിടവേളക്ക് ശേഷമാണ് എയർ അറേബ്യ സുഹാറിലേക്ക് സർവീസ് നടത്തുന്നത്. ഷാർജയിൽ നിന്ന് രാവിലെ 8.40ന് പുറപ്പെടുന്ന വിമാനം 9.15ന് സുഹാറിലെത്തും. ഇവിടെ നിന്നും രാവിലെ 10ന് പുറപ്പെട്ട് ഷാർജയിൽ 10.40ന് എത്തുന്ന രീതിയിലാണ് ഷെഡ്യൂളുകൾ. ഫെ​ബ്രു​വ​രി ആ​ദ്യ ആ​ഴ്ച​യി​ൽ കാ​ണി​ക്കു​ന്ന യാ​ത്ര നി​ര​ക്ക് കൊ​ച്ചി, തി​രു​വ​ന​ന്ത​പു​രം 43 റി​യാ​ലും കോ​ഴി​ക്കോ​ട്ടേ​ക്ക്​ 66 റി​യാ​ലു​മാ​ണു​ള്ള​ത്. ര​ണ്ട് ത​രം ടി​ക്ക​റ്റു​ക​ളാ​ണ് വെ​ബ് സൈ​റ്റി​ൽ കാ​ണി​ക്കു​ന്ന​ത്. ക്യാ​ബി​ൻ ബാ​ഗേ​ജ്‌ പ​ത്ത് കി​ലോ മാ​ത്ര​മു​ള്ള​തും ചെ​ക്കി​ൻ ബാ​ഗേ​ജ്‌ മു​പ്പ​ത് കി​ലോ കൊ​ണ്ടു​പോ​കാ​ൻ ക​ഴി​യു​ന്ന​തും.ഭൂരിഭാഗം വി​മാ​ന ക​മ്പ​നി​ക​ളും ഹാ​ൻ​ഡ് ബാ​ഗേ​ജ്‌ ഏ​ഴ്​ കി​ലോ​യി​ൽ പ​രി​മി​ത​പ്പെ​ടു​ത്തു​മ്പോ​ൾ എ​യ​ർ അ​റേ​ബ്യ 10 കി​ലോ കൊ​ണ്ടു​പോ​കാ​ൻ അ​നു​വ​ദി​ക്കു​ന്നു​ണ്ട്. ബാ​ത്തി​ന, ബു​റൈ​മി മേ​ഖ​ല​യി​ലെ പ്ര​വാ​സി​ക​ൾ​ക്ക് ഏ​റെ ഗുണകരമാണ് ഈ സർവീസ്. ഷാർജയിൽ നിന്ന് കേരളത്തിലേക്കും വിവിധ ഇന്ത്യൻ എയർപോർട്ടുകളിലേക്കും യാത്ര ചെയ്യാനുള്ള സൗകര്യം എയർ അറേബ്യ നൽകുന്നത് കൊണ്ട് കൂടുതൽ ആളുകൾ ഈ സർവീസ് പ്രയോജനപ്പെടുത്തുമെന്നാണ് കരുതുന്നത്. കേ​ര​ള സെ​ക്​​ടി​ൽ കോ​ഴി​ക്കോ​ട്, കൊ​ച്ചി, തി​രു​വ​ന​ന്ത​പു​രം എ​ന്നി​വി​ട​ങ്ങ​ളി​ലേ​ക്ക്​ എ​യ​ർ അ​റേ​ബ്യ​ക്ക്​ ഷാ​ർ​ജ​യി​ൽ​ നി​ന്ന്​ ക​ണ​ക്ഷ​ൻ സ​ർ​വീസുകളുണ്ട്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/HP0AA4FnHJE2TnL5bt71dE