യുഎഇ: റെഡ് ലൈറ്റ് മറികടന്ന് ഡ്രൈവര്‍മാര്‍; ഉണ്ടായത് രണ്ട് വലിയ അപകടങ്ങൾ
രണ്ട് വലിയ അപകടങ്ങളുടെ വീഡിയോ പങ്കിട്ട് അബുദാബി പോലീസ്. റെഡ് ലൈറ്റ് മറികടക്കുന്ന ഡ്രൈവര്‍മാരുടെ ദൃശ്യമാണ് പുറത്തുവിട്ടിരിക്കുന്നത്. പോലീസ് പങ്കുവെച്ച 49 സെക്കന്‍ഡ് ദൈര്‍ഘ്യമുള്ള ക്ലിപ്പില്‍, ചുവന്ന സിഗ്‌നല്‍ ഉണ്ടായിരുന്നിട്ടും ഒരു സെഡാന്‍ കവലയിലൂടെ അതിവേഗം പായുന്നത് കാണാം. റോഡിന്റെ മറുവശത്തുള്ള വാഹനങ്ങള്‍ നീങ്ങി ഇടത്തോട്ട് തിരിയേണ്ട സമയമായതിനാല്‍ സെഡാന്‍ പിക്കപ്പ് ട്രക്കില്‍ ഇടിച്ചു. ഇടിയുടെ ആഘാതം ശക്തമായതിനാല്‍ രണ്ടാമത്തെ ഡ്രൈവര്‍ക്ക് നിയന്ത്രണം നഷ്ടപ്പെട്ടു, വാഹനം റോഡ് ബാരിയറില്‍ ഇടിച്ചു. മറ്റൊരു സന്ദര്‍ഭത്തില്‍, ഒരു എസ്യുവി ചുവന്ന ലൈറ്റ് മറികടന്ന് നേരെ പോകുകയും കവല മുറിച്ചുകടക്കുമ്പോള്‍ ഒരു ട്രക്കില്‍ ഇടിക്കുകയും ചെയ്തു.
യുഎഇയില്‍ ചുവന്ന ലൈറ്റ് മറികടക്കുന്നത് ഗുരുതരമായ ട്രാഫിക് കുറ്റകൃത്യമാണ്, കനത്ത 1,000 ദിര്‍ഹം പിഴയും 12 ബ്ലാക്ക് പോയിന്റുകളും 30 ദിവസത്തെ വാഹനം കണ്ടുകെട്ടലും ലഭിക്കും.
യുഎഇയിലെ റോഡപകടങ്ങളില്‍ ഭൂരിഭാഗവും ട്രാഫിക് ലംഘനങ്ങള്‍ മൂലമാണ് സംഭവിക്കുന്നത്. വാഹനമോടിക്കുന്നവരുടെ മോശം പെരുമാറ്റം കാരണം മരണങ്ങള്‍ 3 ശതമാനം വര്‍ധിച്ചതായി സമീപകാല റിപ്പോര്‍ട്ട് പറയുന്നു. ആഭ്യന്തര മന്ത്രാലയം (MOI) 2023-ലെ റോഡ് സുരക്ഷാ സ്ഥിതിവിവരക്കണക്കുകളില്‍ അടുത്തിടെ അപ്ലോഡ് ചെയ്ത ഓപ്പണ്‍ ഡാറ്റ കാണിക്കുന്നത് 2023 ല്‍ രാജ്യത്തുടനീളം 352 റോഡ് മരണങ്ങള്‍ ഉണ്ടായിട്ടുണ്ടെന്നാണ്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EANBHWLFffe92xCMznk7pv
Comments (0)