Pravasiinfo

യുഎഇയിലെ വാഹനങ്ങളിൽ എമർജൻസി കോൾ സംവിധാനം നടപ്പാക്കും. അടിയന്തര സേവനങ്ങളുടെ പ്രതികരണ സമയം 40 ശതമാനം വെട്ടിക്കുറയ്ക്കാൻ ലക്ഷ്യമിട്ടുള്ള ഇ-കോൾ സംവിധാനം എന്ന പേരിൽ വാഹനങ്ങളിലെ എമർജൻസി കമ്മ്യൂണിക്കേഷൻ മെച്ചപ്പെടുത്തുന്നതിനുള്ള സാങ്കേതിക ചട്ടങ്ങൾക്ക് യുഎഇ മന്ത്രിസഭ ചൊവ്വാഴ്ച അംഗീകാരം നൽകി. വാഹനങ്ങളിൽ ഘടിപ്പിക്കുന്ന ഇ-കോൾ സംവിധാനത്തിലൂടെ അപകടമുണ്ടായാൽ ഉടൻ തന്നെ പൊലീസിന് അടിയന്തര സന്ദേശം ലഭിക്കും. വാഹനത്തിൻ്റെ മോഡൽ, ലൊക്കേഷൻ, ഇന്ധന തരം, വാഹനത്തിനുള്ളിലെ യാത്രക്കാരുടെ എണ്ണം എന്നിവ ഉൾപ്പെടെയുള്ള വിവരങ്ങളാണ് നൽകുക. 2021 ൽ അബുദാബിയിൽ ആദ്യമായി അവതരിപ്പിച്ച ഇ-കോൾ സംവിധാനം അപ്‌ഡേറ്റ് ചെയ്യുന്നതിലൂടെ റോഡപകടങ്ങളിലൂടെയുള്ള മരണസംഖ്യ 2 മുതൽ 10 ശതമാനം വരെ കുറയ്ക്കുകയും ഗുരുതരമായ പരിക്കുകൾ 2 മുതൽ 15 ശതമാനം വരെ കുറയ്ക്കുകയും ചെയ്യുക എന്നതാണ്. അടിയന്തര കോളുകൾക്ക് മികച്ച പ്രതികരണ സമയം നാല് മിനിറ്റാണ്.

രാജ്യത്തെ ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെൻ്റ് റെഗുലേറ്ററി അതോറിറ്റിയുടെയും (ടിഡിആർഎ) മുൻ എമിറേറ്റ്‌സ് അതോറിറ്റി ഫോർ സ്റ്റാൻഡേർഡൈസേഷൻ ആൻഡ് മെട്രോളജിയുടെയും (ഇത് ഒടുവിൽ വ്യവസായ, അഡ്വാൻസ്‌ഡ് ടെക്‌നോളജി മന്ത്രാലയത്തിൽ ലയിപ്പിച്ചു) പോലീസ് അധികാരികളുടെയും സഹകരണത്തോടെ വികസിപ്പിച്ചെടുത്തതാണ് ഇ-കോൾ സിസ്റ്റം അല്ലെങ്കിൽ ഫാസ. അബുദാബിയിലെന്നപോലെ, സമാനമായ ഒരു ഫീച്ചർ ആദ്യം ദുബായ് പോലീസിൽ എ എം എൽ (അഡ്വാൻസ്‌ഡ് മെഷീൻ ലൊക്കേഷൻ) എന്ന പേരിൽ പുറത്തിറക്കിയിരുന്നു, ഇത് അപകടമുണ്ടായാൽ പോലീസിനെ അറിയിക്കാൻ മൊബൈൽ ഫോണുകളെ പ്രാപ്‌തമാക്കുന്നവയായിരുന്നു. യാത്രക്കാരന് 999 എന്ന നമ്പർ ഡയൽ ചെയ്യേണ്ട ആവശ്യം ഇനിയില്ല. ഇ കോൾ സംവിധാനത്തിൽ കാറിന് കോൾ ചെയ്യാൻ സാധിക്കും. അപകട റിപ്പോർട്ട് അയച്ചുകഴിഞ്ഞാൽ, ഓപ്പറേഷൻ റൂമിലെ ഉദ്യോഗസ്ഥർ യാത്രക്കാരോട് ബോധമുണ്ടോ എന്ന് പരിശോധിക്കാൻ അവരോട് സംസാരിക്കാൻ സിസ്റ്റം വഴി ഒരു കോൾ ചെയ്യും. കൂടാതെ അപകട സ്ഥലത്തേക്ക് മിനിറ്റുകൾക്കുള്ളിൽ രക്ഷാപ്രവർത്തനത്തിന് സംഘമെത്തുകയും ചെയ്യും. അതേസമയം, ആഭ്യന്തര മന്ത്രാലയം (MOI) മെയ് മാസത്തിൽ പുറത്തിറക്കിയ ഓപ്പൺ ഡാറ്റ പ്രകാരം 2022 നെ അപേക്ഷിച്ച് യുഎഇ റോഡുകളിലെ മരണങ്ങളുടെ എണ്ണം കഴിഞ്ഞ വർഷം 3 ശതമാനം വർദ്ധിച്ചിട്ടുണ്ട്. എന്നിരുന്നാലും 2023-ലെ മരണസംഖ്യ 2021-ൽ രേഖപ്പെടുത്തിയ 381 മരണങ്ങളേക്കാൾ 8 ശതമാനം കുറവാണ്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DvVM3Xxcs2LDVtv1LaJl9o

പ്രവാസി മലയാളി യുഎഇയിൽ അന്തരിച്ചു

50 കടന്ന് യുഎഇയിലെ ചൂട്; രേഖപ്പെടുത്തിയത് ഈ വർഷത്തെ ഏറ്റവും ഉയർന്ന ചൂട്