യുഎഇയിൽ വാഹനം പാലത്തിൽ നിന്ന് മറിഞ്ഞുണ്ടായ അപകടത്തിൽ നാല് യുവാക്കൾക്ക് ദാരുണാന്ത്യം
ഷാർജയിൽ വെള്ളിയാഴ്ച പുലർച്ചെയുണ്ടായ വാഹനാപകടത്തിൽ നാല് യുവാക്കൾ മരിച്ചതായി പോലീസ് അറിയിച്ചു.കാറിൻ്റെ ഡോർ തുറക്കാനാകാതെ ശ്വാസം മുട്ടി മൂന്ന് യാത്രക്കാർ സംഭവസ്ഥലത്ത് തന്നെ മരിക്കുകയായിരുന്നു . ഗുരുതരമായി പരിക്കേറ്റ നാലാമത്തെയാളെ ഷാർജയിലെ അൽ ഖാസിമി ആശുപത്രിയിൽ എത്തിച്ചെങ്കിലും ഇന്ന് രാവിലെ മരണത്തിന് കീഴടങ്ങിയതായി പോലീസ് അറിയിച്ചു.
പുലർച്ചെ 2.45 ന് ഷാർജ പോലീസ് ഓപ്പറേഷൻസ് റൂമിൽ ഇരുപത് വയസ്സുള്ള നാല് അറബ് യുവാക്കളും മൂന്ന് സിറിയക്കാരും ഒരു ഈജിപ്തുകാരും സഞ്ചരിച്ച വാഹനം അപകടത്തിൽപ്പെട്ടതായി വിവരം ലഭിക്കുകയായിരുന്നു .
അൽ ലയ്യയിലേക്ക് പോകുകയായിരുന്ന ഇവർ അമിത വേഗത കാരണം ഡ്രൈവർക്ക് നിയന്ത്രണം നഷ്ടപ്പെടുകയും ബാരിയറിൽ ഇടിച്ച് സൂഖ് അൽ ജുബൈലിന് പിന്നിലെ വെള്ളത്തിലേക്ക് വീഴുകയായിരുന്നു.
പോലീസ് പട്രോളിംഗ്, സിവിൽ ഡിഫൻസ് റെസ്ക്യൂ യൂണിറ്റുകൾ, നാഷണൽ ആംബുലൻസ് സംഘങ്ങൾ എന്നിവയുൾപ്പെടെ എമർജൻസി റെസ്‌പോൺസ് ടീമുകളെ അതിവേഗം സംഭവസ്ഥലത്ത് എത്തുകയും ചെയ്തിരുന്നു. ഷാർജ പോലീസ് ജനറൽ കമാൻഡ് അനുശോചനം രേഖപ്പെടുത്തുകയും, റോഡുകളിൽ സുരക്ഷ ഉറപ്പാക്കാൻ പോസ്റ്റുചെയ്ത വേഗപരിധികളും ട്രാഫിക് നിയന്ത്രണങ്ങളും പാലിക്കാൻ പൊതുജനങ്ങളോട് അഭ്യർത്ഥിക്കുകയും ചെയ്തു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/E5GA2yKSrlb2E0Cel9mnsi
Comments (0)