ഒടുവിൽ ലുലു ഗ്രൂപ്പിൻ്റെ ഓഹരി വിൽപ്പന എത്തി; സബ്‌സ്‌ക്രിപ്‌ഷൻ ഒക്ടോബർ 28 മുതൽ; പ്രഖ്യാപനവുമായി യൂസഫലി
അബുദാബി ആസ്ഥാനമായുള്ള ലുലു ഗ്രൂപ്പും പ്രാഥമിക ഓഹരി വിൽപ്പനക്ക്. സബ്‌സ്‌ക്രിപ്‌ഷൻ ഒക്ടോബർ 28ന്. ഐപിഒയിലുടെ 25 ശതമാനം ഓഹരികൾ ആണ് വിൽക്കുന്നത്. 15,000 കോടി രൂപ ആണ് സമാഹരിക്കുന്നത്. ഒക്ടോബർ 28 മുതൽ നവംബർ അഞ്ചു വരെയായിരിക്കും ഓഹരി വിൽപ്പന. 250 കോടിയിലധികം ഓഹരികളാണ് വിറ്റഴിക്കുന്നത് എന്നാണ് സൂചന. മിഡിൽ ഈസ്റ്റിലെ ഏറ്റവും വലിയ ഹൈപ്പർമാർക്കറ്റ് ശൃംഖലകളിലൊന്നാണ് യുഎഇയിലെ ലുലു ഗ്രൂപ്പ് ഇൻ്റർനാഷണൽ. 25 ശതമാനം ഓഹരികൾ വിൽക്കാൻ പദ്ധതിയിടുന്നതിലൂടെ ഓഹരി വിപണിയിലും സാനിധ്യം അറിയിക്കുകയാണ് ഗ്രൂപ്പ്.റീട്ടെയ്ൽ നിക്ഷേപകർക്കായി 10 ശതമാനം ഓഹരികളും യോഗ്യരായ സ്ഥാപന നിക്ഷേപകർക്കായി 89 ശതമാനം ഓഹരികളും നീക്കി വെച്ചിട്ടുണ്ട്. ഒരു ശതമാനം ഓഹരികൾ ലുലു ഗ്രൂപ്പ് ജീവനക്കാർക്കാണ്. മിനിമം 1000 ഓഹരികൾക്കാണ് അപേക്ഷിക്കേണ്ടത്. അതേസമയം പ്രൈസ് ബാൻഡ് നിശ്ചയിച്ചിട്ടില്ല എന്നത് ശ്രദ്ധേയമാണ്. ഐപിഒ പൂർത്തിയാകുന്നതോടെ ലുലു ഗ്രൂപ്പിൻ്റെ മൂല്യം 58,800 കോടി രൂപയോളമായി മാറും. അബുദാബി സെക്യൂരിറ്റീസ് എക്സ്ചേഞ്ചിൽ ലിസ്റ്റ് ചെയ്യും.
സൗദി അറേബ്യൻ ഓഹരി വിപണിയിലും ലിസ്റ്റ് ചെയ്യാൻ ഉദ്ദേശിച്ചിരുന്നെങ്കിലും തീരുമാനം ആയിട്ടില്ല. അബുദാബി കൊമേഴ്സ്യൽ ബാങ്ക്, എമിറേറ്റ്സ് എൻബിഡി കാപിറ്റൽ, എച്ച്എസ്ബിസി ബാങ്ക് മിഡിൽ ഈസ്റ്റ്, ദുബായി ഇസ്ലാമിക് ബാങ്ക് തുടങ്ങിയവയായിരിക്കും ഓഹരി വിൽപ്പന നിയന്ത്രിക്കുക.നവംബർ 14-ന് അബുദാബി സെക്യൂരിറ്റീസ് എക്സ്ചേഞ്ചിൽ ഓഹരി വ്യാപാരം ആരംഭിക്കുമെന്ന് ലുലുവിൻ്റെ ഐപിഒ രേഖകൾ വ്യക്തമാക്കുന്നു. യുഎഇയിൽ ലുലുവിന്റെ റീട്ടെയിൽ ശൃംഖല ശക്തമാണ്. 1974-ൽ ആണ് യൂസഫ് അലി ലുലു ഗ്രൂപ്പ് സ്ഥാപിക്കുന്നത്. ഇന്ന് ലുലു 240-ലധികം രാജ്യങ്ങളിൽ പ്രവർത്തിക്കുന്നുണ്ട്. ആറ് ജിസിസി രാജ്യങ്ങളിലെ സ്റ്റോറുകൾ, റീട്ടെയ്ൽ സ്‌പേസ് എന്നിവയൊക്കെ ലുലുവിൻ്റെ ശക്തമായ സാനിധ്യം അടയാളപ്പെടുത്തുന്നു.
ഓഹരി ഉടമകൾക്ക് ലാഭവിഹിതം നൽകും
ഓഹരി ഉടമകൾക്ക് ലാഭ വിഹിതം നൽകുമെന്നും ലുലു ഗ്രൂപ്പ് പ്രഖ്യാപിച്ചിട്ടുണ്ട്. നികുതിക്ക് ശേഷമുള്ള വാർഷിക ലാഭത്തിൻ്റെ 75ശതമാനം മൊത്തം ഡിവിഡൻ്റ് പേഔട്ട് അനുപാതമായി നിലനിർത്തും. നിബന്ധനകൾക്ക് വിധേയമായി ആയിരിക്കും ലാഭവിഹിതം നൽകുക.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z
Comments (0)