യുഎഇയിൽ ഇനി സുകൂക് നിക്ഷേപത്തിനായി കുറഞ്ഞ ദിര്‍ഹം മതി; പുതിയ പ്രഖ്യാപനത്തെ കുറിച്ച് അറിയാം
യുഎഇയിൽ ഇനി സുകൂക് നിക്ഷേപത്തിനായി കുറഞ്ഞ ദിര്‍ഹം മതി; പുതിയ പ്രഖ്യാപനത്തെ കുറിച്ച് അറിയാം
യുഎഇയിൽ നിക്ഷേപം നടത്തി റിട്ടേൺസ് നേടാന്‍ ആഗ്രഹിക്കുന്ന വ്യക്തികള്‍ക്ക് സന്തോഷ വാര്‍ത്തയുമായി അബുദാബി ഇസ്ലാമിക് ബാങ്ക്. സാധാരണ നിക്ഷേപകര്‍ക്ക് കൂടുതൽ എളുപ്പത്തിൽ സുകൂക് നിക്ഷേപം നടത്തുന്നതിനുള്ള അവസരമാണ് ADIB ഒരുക്കുന്നത്. ഫ്രാക്ഷണൽ സുകൂക് സംവിധാനത്തിനായി പുതിയ ടെക്നോളജി ബാങ്ക് പരീക്ഷിച്ചതായാണ് റിപ്പോര്‍ട്ട്. യുഎഇ സര്‍ക്കാരിന്‍റെ റഗുലേഷന്‍സ് ലാബിൽ നിന്നുള്ള അംഗീകാരം ലഭിച്ചതോടെയാണ് അബുദാബി ഇസ്ലാമിക് ബാങ്ക് ഈ നീക്കവുമായി മുന്നോട്ട് പോകുന്നത്. പുതിയ സംവിധാനം നടപ്പിലായാൽ സുകൂകിൽ 1000 ഡോളര്‍ അഥവാ 3700 ദിര്‍ഹം മുതൽ നിക്ഷേപിക്കാൻ നിക്ഷേപകര്‍ക്ക് സാധിക്കും. നേരത്തെ 2 ലക്ഷം ഡോളര്‍, അഥവാ ഏഴ് ലക്ഷത്തിലധികം ദിര്‍ഹമായിരുന്നു മിനിമം നിക്ഷേപം ആവശ്യമായിരുന്നത്. അതുകൊണ്ട് സമ്പന്നരായ വ്യക്തികള്‍ക്ക് മാത്രമായിരുന്നു സുകൂകിൽ നിക്ഷേപിക്കാന്‍ കഴിഞ്ഞിരുന്നത്. ഫ്രാക്ഷണൽ സുകൂക് സംവിധാനം വരുന്നതോടെ കൂടുതൽ നിക്ഷേപകര്‍ക്ക് സുകൂക് പദ്ധതിയുടെ ഗുണം ലഭിക്കും.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z
Comments (0)