യുഎഇ ദേശീയ ദിനാഘോഷം; വരാനിരിക്കുന്നത് ഈ വർഷത്തെ ദൈർഘമേറിയ അവസാന പൊതു അവധി ദിനങ്ങൾ
യു എ ഇ ദേശീയ ദിനത്തോടനുബന്ധിച്ചുള്ള പൊതു അവധികൾ കൂടി വരുന്നതിനാൽ നാല് ദിവസത്തെ അവധിയാണ് ഇത്തവണ പ്രവാസികൾക്ക് ലഭിക്കാൻ പോകുന്നത്. യുഎഇ ദേശീയ ദിനാഘോഷങ്ങളുടെ ഔദ്യോഗിക നാമം ‘ഈദ് അൽ ഇത്തിഹാദ്’ സംഘാടക സമിതി കഴിഞ്ഞയാഴ്ച പ്രഖ്യാപിച്ചിരുന്നു.
2024 ലെ അവസാനത്തെ നീണ്ട വാരാന്ത്യം കൂടിയാണ് ഈ വർഷത്തെ ദേശീയ ദിന അവധി. ഡിസംബർ 2, 3 തീയതികളിൽ യഥാക്രമം തിങ്കൾ, ചൊവ്വ ദിവസങ്ങളിൽ വരുന്നു. ശനി, ഞായർ വാരാന്ത്യവുമായി ചേരുമ്പോൾ അത് നാല് ദിവസത്തെ അവധിയാണ്.
‘യൂണിയൻ’ (ഇതിഹാദ്) എന്ന പ്രമേയത്തെ ഊന്നിപ്പറയുകയും 1971 ഡിസംബർ 2-ന് എമിറേറ്റ്‌സിൻ്റെ ഏകീകരണത്തെ ആഘോഷിക്കുകയും ചെയ്യുന്നു. ഈ തീം രാജ്യത്തിൻ്റെ ഐഡൻ്റിറ്റി, പൈതൃകം, ഐക്യം, ശക്തി, ദേശീയ അഭിമാനം എന്നിവയുടെ പ്രതീകമാണെന്നും സംഘാടക സമിതി വിശദീകരിച്ചു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z
Comments (0)