യുഎഇ ഹാർബറിൽ ബോട്ടിന് തീപിടിച്ചു
ദുബൈ ഹാർബർ ഏരിയയിൽ ബോട്ടിന് തീപിടിച്ചു. ഞായറാഴ്ച രാവിലെ ഫ്യൂവൽ സ്റ്റേഷന് സമീപമാണ് സംഭവം. രാവിലെ 11.50 ഓടെയാണ് ദുബൈ സിവിൽ ഡിഫൻസിന് ഇത് സംബന്ധിച്ച വിവരം ലഭിക്കുന്നത്. തീപിടിത്ത വിവരം അറിഞ്ഞ ഉടൻ തന്നെ അഗ്നിശമനസേന സംഘം മൂന്ന് മിനിറ്റിനുള്ളിൽ തന്നെ സംഭവസ്ഥലത്തെത്തി. തുടർന്ന് സ്ഥലത്ത് നിന്ന് ആളുകളെ ഒഴിപ്പിക്കാനും തീയണയ്ക്കാനുമുള്ള നടപടികൾ തുടങ്ങി. ഒരു മണിക്കൂറിനുള്ളിൽ തീപിടിത്തം പൂർണമായും നിയന്ത്രണവിധേയനമാക്കി. 12:24ഓടെ സ്ഥലത്ത് ശീതീകരണ പ്രവർത്തനങ്ങൾ തുടങ്ങി. സംഭവത്തിൽ ആർക്കും പരിക്കേറ്റതായി റിപ്പോർട്ടുകളില്ല. തീപിടിത്തത്തിൻറെ കാരണം വെളിപ്പെടുത്തിയിട്ടില്ല.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z
Comments (0)