Pravasiinfo

യുഎഇയിലെ ദുബൈ നഗരത്തിലെ അൽഫയ്​ സ്​ട്രീറ്റ്​ വികസിപ്പിക്കുന്നതിന്​ 150 കോടി ദിർഹമിൻറെ കരാർ നൽകി ദുബൈ റോഡ്​ ഗതാഗത അതോറിറ്റി (ആർ.ടി.എ). പദ്ധതി പൂർത്തിയാകുന്നതോടെ മണിക്കൂറിൽ 64,400 വാഹനങ്ങ​ളെ ഉൾകൊള്ളാനുള്ള ശേഷി സ്​ട്രീറ്ററിന്​ കൈവരും.അഞ്ച്​ കവലകളുടെ വികസനമാണ്​ പ്രധാനമായും പദ്ധതിയിൽ ഉൾപ്പെടുത്തിയിരിക്കുന്നത്​. ഇതിനായി 13,500 മീറ്റർ പാലങ്ങളും 12,900 മീറ്റർ റോഡുകളും നിർമിക്കും. ശൈഖ്​ മുഹമ്മദ് ബിൻ സായിദ് റോഡിനോട്​​ ചേരുന്ന കവലയിൽ നിന്ന് ആരംഭിച്ച്,​ ശൈഖ് സായിദ് ബിൻ ഹംദാൻ ആൽ നഹ്​യാൻ സ്ട്രീറ്റിലൂടെ കടന്നുവന്ന്​ എമിറേറ്റ്സ് റോഡിലേക്ക് നീളുന്നതാണ്​ പദ്ധതി പ്രദേശം. രണ്ട്​ ഘട്ടങ്ങളിലായാണ്​ പദ്ധതി നടപ്പിലാക്കുന്നത്​. ആദ്യ ഘട്ടം 2027ലും രണ്ടാം ഘട്ടം 2028ലും പൂർത്തിയാക്കും.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g