വമ്പൻ നിരക്കിളവിൽ വിമാന ടിക്കറ്റ്, അഞ്ച് ലക്ഷം സീറ്റുകളിൽ കിടിലൻ ഓഫർ; സൂപ്പർ സീറ്റ് സെയിലുമായി എയർ അറേബ്യ
ഷാർജ ആസ്ഥാനമാക്കി പ്രവർത്തിക്കുന്ന ബജറ്റ് എയർലൈൻ എയർ അറേബ്യയുടെ വമ്പൻ സെയിൽ വീണ്ടുമെത്തി. എയർ അറേബ്യയുടെ സൂപ്പർ സീറ്റ് സെയിലാണ് തുടങ്ങിയത്. എയർലൈൻറെ പ്രവർത്തന ശൃംഖലയ്ക്ക് കീഴിൽ 500,000 സീറ്റുകളാണ് കുറഞ്ഞ നിരക്കിൽ ലഭിക്കുക. സൂപ്പർ സീറ്റ് സെയിലിൽ 129 ദിർഹം മുതലാണ് ടിക്കറ്റ് നിരക്കുകൾ തുടങ്ങുന്നത്.
ഫെബ്രുവരി 17 മുതൽ മാർച്ച് രണ്ട് വരെയാണ് സെയിൽ കാലാവധി. ഈ കാലയളവിൽ ടിക്കറ്റുകൾ ബുക്ക് ചെയ്യുന്നവർക്കാണ് കുറഞ്ഞ നിരക്ക് ബാധകമാകുക. 2025 സെപ്തംബർ ഒന്ന് മുതൽ 2026 മാർച്ച് 28 വരെയുള്ള യാത്രകൾക്കുള്ള ടിക്കറ്റുകൾ ബുക്ക് ചെയ്യാനാകും. സ്പെഷ്യൽ ഓഫർ ലോകമെമ്പാടമുള്ള നെറ്റ്‌വർക്കിലുട നീളമുള്ള 500,000 സീറ്റുകളിൽ ഈ പ്രത്യേക ഓഫർ ലഭ്യമാണ്.
അബുദാബി, ഷാർജ, റാസൽഖൈമ എന്നിവിടങ്ങളിൽ നിന്ന് നോൺ സ്റ്റോപ്പ് സർവീസുകളാണ് ലോകത്തിൻറെ വിവിധ ഭാഗങ്ങളിലേക്ക് എയർ അറേബ്യ നടത്തുന്നത്. മിഡിൽ ഈസ്റ്റ്, ഏഷ്യ, യൂറോപ്പ് എന്നിവിടങ്ങളിലെ 100ലേറെ സ്ഥലങ്ങളിലേക്ക് എയർ അറേബ്യ സർവീസുകൾ നടത്തുന്നുണ്ട്. യാത്രക്കാർക്ക് എയർ അറേബ്യയുടെ വെബ്സൈറ്റായ www.airarabia.com സന്ദർശിച്ച് ടിക്കറ്റുകൾ ബുക്ക് ചെയ്യാം.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)