യുഎഇ റസിഡൻസ് പെർമിറ്റ് എളുപ്പത്തിൽ പുതുക്കാം, വേഗത്തിൽ ലഭിക്കുകയും ചെയ്യും; ഇങ്ങനെ ചെയ്താൽ മതി
യുഎഇയിൽ റെസിഡൻസി പെർമിറ്റുകൾ ലഭിക്കുന്നതിനും, പെർമിറ്റുകൾ പുതുക്കുന്നതിനും പരിഷ്കരിക്കുന്നതിനുമുള്ള നടപടിക്രമങ്ങളും ഘട്ടങ്ങളും വ്യക്തമാക്കിയിരിക്കുകയാണ് യുഎഇ ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി. ഡിജിറ്റൽ സേവനങ്ങളോടും ഓട്ടോമേഷനോടുമുള്ള യുഎഇയുടെ പ്രതിബദ്ധതയുമായി ചേർന്നുനിൽക്കുന്നതാണ് ഈ സംരംഭമെന്നും അധികൃതർ വ്യക്തമാക്കിയിട്ടുണ്ട്. റെസിഡൻസി പെർമിറ്റുകൾ ലഭിക്കുന്നതിനും പുതുക്കുന്നതിനും പരിഷ്‌ക്കരിക്കുന്നതിനും അപേക്ഷിക്കുന്നതിന് യുഎഇ പാസ് ഉപയോഗിച്ച് അതോറിറ്റിയുടെ വെബ്‌സൈറ്റ് അല്ലെങ്കിൽ സ്മാർട്ട് ആപ്പ് വഴി അക്കൗണ്ടിൽ ലോഗിൻ ചെയ്യണമെന്നും സമൂഹ മാധ്യമത്തിലൂടെ അതോറിറ്റി വ്യതമാക്കുന്നുണ്ട്. റെസിഡൻസി പെർമിറ്റ് നൽകിയതിന്റെ സ്ഥിരീകരണം അപേക്ഷയിൽ രജിസ്റ്റർ ചെയ്ത ഇമെയിലിലേക്ക് ലഭിക്കുകയും ചെയ്യും. തുടർന്ന് റെസിഡൻസി അഭ്യർത്ഥനയുമായി ബന്ധപ്പെട്ട എമിറേറ്റ്സ് ഐഡി അംഗീകൃത കൊറിയർ കമ്പനികൾ വഴി എത്തിക്കുമെന്നും അതോറിറ്റി വിശദീകരിച്ചു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)