Pravasiinfo

സാ​ധാ​ര​ണ തൊ​ഴി​ലു​ക​ളെ​ടു​ക്കു​ന്ന ‘ബ്ലൂ​കോ​ള​ർ’ ജോ​ലി​ക്കാ​രു​ടെ എ​ണ്ണം കു​റ​ക്കാ​നും പ്ര​ഫ​ഷ​ന​ൽ യോ​ഗ്യ​ത​യു​ള്ള ‘വൈ​റ്റ് കോ​ള​ർ’ തൊ​ഴി​ലാ​ളി​ക​ളു​ടെ എ​ണ്ണം വ​ർധി​പ്പി​ക്കാ​നു​മു​ള്ള നി​ർണാ​യ​ക ല​ക്ഷ്യ​വു​മാ​യി അ​ബൂ​ദ​ബി. ബ്ലൂ ​കോ​ള​ർ ജോ​ലി​ക്കാ​രു​ടെ എ​ണ്ണം ചു​രു​ക്കാ​നാ​ണ് ത​ങ്ങ​ൾ ശ്ര​മി​ക്കു​ന്ന​തെ​ന്നും എ​ന്നാ​ൽ, അ​വ​രു​ടെ സം​ഭാ​വ​ന​ക​ൾക്ക് ന​ന്ദി​യു​ള്ള​വ​രാ​ണെ​ന്നും മു​തി​ർന്ന ഉ​ദ്യോ​ഗ​സ്ഥ​ൻ പ്ര​തി​ക​രി​ച്ചു. വി​ജ്ഞാ​നാ​ധി​ഷ്ഠി​ത മേ​ഖ​ല​ക​ളി​ലാ​ണ്​ അ​ബൂ​ദ​ബി ശ്ര​ദ്ധ കേ​​ന്ദ്രീ​ക​രി​ക്കു​ന്ന​തെ​ന്നും കാ​ർഷി​ക സാ​ങ്കേ​തി​ക​വി​ദ്യ രം​ഗ​ത്ത് പ്ര​വ​ർത്തി​ക്കു​ന്ന ക​മ്പ​നി​ക​ൾ പോ​ലു​ള്ള​വ​യെ​യാ​ണ്​ ആ​വ​ശ്യ​​മെ​ന്നും അ​ധി​കൃ​ത​ർ വി​ശ​ദീ​ക​രി​ക്കു​ന്നു. ഇ​ത്ത​രം ക​മ്പ​നി​ക​ൾക്ക് ഇ​ൻസെ​ന്റി​വു​ക​ൾ അ​ട​ക്കം ന​ൽകി സ​ർക്കാ​ർ പ്രോ​ത്സാ​ഹി​പ്പി​ക്കു​ന്നു​ണ്ട്. ഈ ​രം​ഗ​ത്ത് കൂ​ടു​ത​ൽ നി​ക്ഷേ​പം കൊ​ണ്ടു​വ​രു​ന്ന​തി​ന്റെ ഭാ​ഗ​മാ​യാ​ണ് ന​ട​പ​ടി​യെ​ന്ന് അ​ബൂ​ദ​ബി ന​ഗ​ര, ഗ​താ​ഗ​ത വ​കു​പ്പ് ചെ​യ​ർമാ​ൻ മു​ഹ​മ്മ​ദ് അ​ൽ ശ​റാ​ഫ പ​റ​ഞ്ഞു.

ക​ഴി​ഞ്ഞ നാ​ലു​വ​ർഷ​ത്തി​ൽ അ​ബൂ​ദ​ബി​യി​ലെ ജ​ന​സം​ഖ്യ​യി​ൽ വ​ൻ വ​ർധ​ന​യാ​ണ് ഉ​ണ്ടാ​ക്കി​യി​രി​ക്കു​ന്ന​ത്. ഇ​തോ​ടെ യു.​എ.​ഇ​യി​ലെ ഏ​റ്റ​വും ജ​ന​സാ​ന്ദ്ര​ത​യു​ള്ള ന​ഗ​ര​മാ​യി അ​ബൂ​ദ​ബി മാ​റു​ക​യും ചെ​യ്തു. 2040ഓ​ടെ ജ​ന​സം​ഖ്യ ഇ​പ്പോ​ഴു​ള്ള​തി​ന്റെ ഇ​ര​ട്ടി​യാ​ക്കി മാ​റ്റു​ക​യാ​ണ് അ​ബൂ​ദ​ബി ല​ക്ഷ്യ​മി​ടു​ന്ന​ത്. 2024 ജൂ​ണി​ൽ 37.89 ല​ക്ഷ​മാ​ണ് അ​ബൂ​ദ​ബി​യി​ലെ ജ​ന​സം​ഖ്യ. 2011നെ ​അ​പേ​ക്ഷി​ച്ച് 83 ശ​ത​മാ​ന​ത്തി​ന്റെ വ​ർധ​ന​യാ​ണ് അ​ബൂ​ദ​ബി​യി​ലെ ജ​ന​സം​ഖ്യ​യി​ലു​ണ്ടാ​യ​ത്. എ​മി​റേ​റ്റി​ലെ തൊ​ഴി​ൽ ശ​ക്തി​യി​ൽ 46 ശ​ത​മാ​നം വൈ​റ്റ് കോ​ള​ർ ജോ​ലി​ക്കാ​രാ​ണ്.

2011നെ ​അ​പേ​ക്ഷി​ച്ച് 109 ശ​ത​മാ​നം വ​ർധ​ന​യാ​ണ് വൈ​റ്റ് കോ​ള​ർ ജോ​ലി​ക്കാ​രി​ൽ ഉ​ണ്ടാ​യ​ത്. 56 ശ​ത​മാ​ന​മാ​ണ് ബ്ലൂ​കോ​ള​ർ ജോ​ലി​ക്കാ​ർ. ഇ​വ​രു​ടെ എ​ണ്ണ​ത്തി​ൽ 65 ശ​ത​മാ​ന​ത്തി​ന്റെ​യും വ​ർധ​ന​യു​ണ്ടാ​യി. കൂ​ടു​ത​ൽ വൈ​റ്റ് കോ​ള​ർ ജോ​ലി​ക്കാ​രെ റി​ക്രൂ​ട്ട് ചെ​യ്യാ​ൻ ക​ഴി​യു​ന്ന വി​ജ്ഞാ​ന, ന​വീ​ക​ര​ണ സ്ഥാ​പ​ന​ങ്ങ​ൾ സ്ഥാ​പി​ക്കു​ന്ന​തി​ന് യു.​എ.​ഇ സ​ർക്കാ​റും കൂ​ടു​ത​ൽ ശ്ര​ദ്ധ ചെ​ലു​ത്തു​ന്നു​ണ്ട്. സാ​മ്പ​ത്തി​ക മേ​ഖ​ല​യെ വ​ള​ർച്ച​യു​ടെ പു​തു​ത​ല​ത്തി​ലേ​ക്ക് വൈ​റ്റ് കോ​ള​ർ ജോ​ലി​ക്കാ​രു​ടെ വ​ർധ​ന സ​ഹാ​യി​ക്കു​മെ​ന്ന വി​ല​യി​രു​ത്ത​ലി​ന്റെ അ​ടി​സ്ഥാ​ന​ത്തി​ലാ​ണ് തീ​രു​മാ​നം.

നി​ർമി​ത ബു​ദ്ധി രം​ഗ​ത്തും അ​ബൂ​ദ​ബി വ​ൻതോ​തി​ൽ നി​ക്ഷേ​പം ഇ​റ​ക്കു​ക​യും കൂ​ടു​ത​ൽ ക​മ്പ​നി​ക​ളെ എ​മി​റേ​റ്റി​ലേ​ക്ക് ആ​ക​ർഷി​ക്കു​ക​യും ചെ​യ്യു​ന്നു​ണ്ട്. 2030ഓ​ടെ അ​ബൂ​ദ​ബി​യി​ലെ ടാ​ക്‌​സി വാ​ഹ​ന​ങ്ങ​ളി​ൽ 20 ശ​ത​മാ​ന​വും ഡ്രൈ​വ​റി​ല്ലാ​തെ ഓ​ടു​ന്ന​താ​ക്കാ​നു​മാ​ണ് സ​ർക്കാ​ർ ല​ക്ഷ്യ​മി​ടു​ന്ന​ത്. ഇ​തു​മാ​യി ബ​ന്ധ​പ്പെ​ട്ട പ​ദ്ധ​തി​ക​ൾക്ക് ഫ​ണ്ട് ന​ൽകി​യും കൂ​ടു​ത​ൽ സ്വ​കാ​ര്യ ക​മ്പ​നി​ക​ളെ മേ​ഖ​ല​യി​ലേ​ക്ക് ആ​ക​ർഷി​ച്ചു​മാ​യി​രി​ക്കും ഈ ​ല​ക്ഷ്യം കൈ​വ​രി​ക്കു​ക​യെ​ന്ന് അ​ദ്ദേ​ഹം പ​റ​ഞ്ഞു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

ഇനി നിങ്ങളുടെ ഫോട്ടോകൾ മനോഹരമായ പെൻസിൽ സ്കെച്ചുകളാക്കി മാറ്റം; ഈ ആപ്പ് ഉടൻ ഡൗൺലോഡ് ചെയ്യൂ

ഭക്ഷ്യസുരക്ഷ ഉറപ്പാക്കാൻ പരിശോധന കർശനം; പരിശോധനയ്ക്ക് 380 ഉദ്യോഗസ്ഥരെ നിയമിച്ച് യുഎഇ