Pravasiinfo

ഇന്ന് പുലർച്ചെ ഷാർജയിലെ അപ്പാർട്ട്‌മെന്റ് കെട്ടിടത്തിലുണ്ടായ തീപിടിത്തത്തിൽ പാകിസ്ഥാൻ പൗരനും 11 വയസ്സുള്ള മകളും ശ്വാസം മുട്ടി മരിച്ചു. ഇയാളുടെ ഭാര്യ ഗുരുതരാവസ്ഥയിലാണെന്നും അൽ ഖാസിമി ആശുപത്രിയിലെ ഐസിയുവിൽ പ്രവേശിപ്പിച്ചിരിക്കുകയാണെന്നും അധികൃതർ പറഞ്ഞു. ദമ്പതികളുടെ മറ്റ് രണ്ട് കുട്ടികൾ, ഒമ്പത് വയസ്സുള്ള പെൺകുട്ടിയും അഞ്ച് വയസ്സുള്ള ആൺകുട്ടിയും, ആശുപത്രിയിൽ സുഖം പ്രാപിച്ചുവരികയാണ്.

മുവൈലെ ഏരിയയിലെ കെട്ടിടത്തിന്റെ മൂന്നാം നിലയിലാണ് അപ്പാർട്ട്മെന്റ് സ്ഥിതി ചെയ്യുന്നതെന്ന് ഷാർജ സിവിൽ ഡിഫൻസ് ഡയറക്ടർ ജനറൽ ബ്രിഗേഡിയർ സമി ഖമീസ് അൽ നഖ്ബി പറഞ്ഞു. കെട്ടിടത്തിന്റെ മൂന്നാം നിലയിലുള്ള അപ്പാർട്ട്‌മെന്റിലാണ് തീപിടുത്തമുണ്ടായത് പുക മുഴുവൻ കെട്ടിടത്തിലേക്കും വ്യാപിച്ചുവെന്നും അദ്ദേഹം പറഞ്ഞു, മൂന്ന് നിലകളുള്ള കെട്ടിടത്തിൽ നിന്ന് മറ്റ് വാടകക്കാരെ ഉടൻ ഒഴിപ്പിച്ചു. പുലർച്ചെ 2.08 ഓടെയാണ് തീപിടിത്തമുണ്ടായതെന്നും 2.12ഓടെ അഗ്നിശമന സേനാംഗങ്ങൾ സ്ഥലത്തെത്തിയെന്നും ബ്രിഗേഡിയർ അൽ നഖ്ബി പറഞ്ഞു. തീപിടിത്തത്തിന്റെ കാരണം അറിവായിട്ടില്ല, ഫോറൻസിക് സംഘം പരിശോധനയ്ക്കായി സ്ഥലം ഏറ്റെടുത്തു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/HP0AA4FnHJE2TnL5bt71dE

അറബി പഠിക്കാൻ ബുദ്ധിമുട്ടുവാണോ? എന്നാൽ ഇനി ഒട്ടും വിഷമിക്കേണ്ട; ഈ ആപ്പ് ഡൗൺലോഡ് ചെയ്യൂ

യുഎഇ; ഇന്ത്യ ഉൾപ്പെടെയുള്ള രാജ്യക്കാരുടെ വിസ അപേക്ഷകൾ സ്വീകരിച്ചു തുടങ്ങി

യുഎഇയിൽ പ്രവാസി വനിതക്ക് ഒരു ഫോൺ കോളിലൂടെ നഷ്ടമായത് 40 ലക്ഷത്തോളം രൂപ