Pravasiinfo

കോവിഡ് ഭീതിയൊഴിഞ്ഞ് യാത്രകൾ സജീവമായതോടെ ഗൾഫ് മേഖലയിലെ വ്യോമഗതാഗതത്തിൽ 2023-24 വ‍ർഷത്തിൽ വൻ കുതിപ്പാണ് ഉണ്ടായിരിക്കുന്നത്. കൂടുതൽ വിമാനങ്ങൾ വാങ്ങാനും സർവ്വീസുകൾ നടത്താനുമുളള തയാറെടുപ്പിലാണ് യുഎഇയിൽ ഉൾപ്പടെയുളള വിമാനകമ്പനികൾ. ലോകത്തെ മറ്റേത് വിമാനകമ്പനികൾ നൽകുന്നതിനേക്കാളും ശമ്പളവും മറ്റ് ആനുകൂല്യങ്ങളും യുഎഇ വിമാനകമ്പനികൾ നല‍കുന്നുവെന്നുളളതാണ് പ്രധാന ആകർഷണം. യുഎഇ ആസ്ഥാനമായി പ്രവ‍ർത്തിക്കുന്ന എമിറേറ്റ്സ് എയർലൈൻ അടുത്തിടെ 5000 പുതിയ ജീവനക്കാരെയാണ് നിയമിച്ചത്. അനുഭവപരിചയമുളളവരെ മാത്രമല്ല ബിരുദം കഴിഞ്ഞ് ഇറങ്ങിയവർക്ക് വരെ ജോലി ലഭിച്ചു.യുഎഇ ആസ്ഥാനമായി പ്രവർത്തിക്കുന്ന എയർ അറേബ്യയും അടുത്തിടെ ബിരുദം കഴിഞ്ഞ് ഇറങ്ങിയവർക്ക് അനുയോജ്യമായ തൊഴിൽ അവസരങ്ങൾ അറിയിച്ചിരുന്നു. 2023 നെ അപേക്ഷിച്ച് 2024 ലും വ്യോമഗതാഗതം കൂടുതൽ കരുത്താർജ്ജിക്കുമെന്നാണ് കണക്കുകൂട്ടൽ. .2023 നെ അപേക്ഷിച്ച് കാബിൻ ക്രൂ ശമ്പള സ്കെയിലുകൾ 5 മുതൽ 10 ശതമാനം വരെയാണ് വർധിച്ചത്. എന്നാൽ വിവിധ വിമാനകമ്പനികളിൽ പുതിയ വിമാനങ്ങൾ കൂടി സർവ്വീസ് ആരംഭിക്കുന്നതോടെ ശമ്പള സ്കെയിൽ 20 ശതമാനം വരെ ഉയരും. എമിറേറ്റ്സിനും ഖത്തർ എയർവേസിനും ഈ വർഷം അവസാനം നിർമ്മാതാക്കളിൽ നിന്ന് പുതിയ വിമാനങ്ങൾ ലഭിക്കും. മുഴുവൻ സമയ കാരിയറുകൾ 9500 ദിർഹം മുതൽ 1150 ദിർഹം വരെയാണ് ശരാശരി ശമ്പളം നൽകുന്നത്. നേരത്തെ ഇത് 8000 ആയിരുന്നു. കുറഞ്ഞ നിരക്കിലുളള കാരിയറുകളിൽ ശമ്പളം 6000 ദിർഹത്തിൽ നിന്ന് 8500 ആയും ഉയർന്നിട്ടുണ്ട്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/HP0AA4FnHJE2TnL5bt71dE

അറബി പഠിക്കാൻ ബുദ്ധിമുട്ടുവാണോ? എന്നാൽ ഇനി ഒട്ടും വിഷമിക്കേണ്ട; ഈ ആപ്പ് ഡൗൺലോഡ് ചെയ്യൂ

ലോ​ക​ത്തെ ഏ​റ്റ​വും സു​ര​ക്ഷി​ത ന​ഗ​രം: ഒന്നാം സ്ഥാനം നിലനിർ​ത്തി യുഎഇയിലെ ഈ എമിറേറ്റ്

അപൂർവ്വ നേട്ടവുമായി പ്രവാസി മലയാളി; ദുബൈ ചേംബർ ഓഫ് കൊമേഴ്സിൻറെ സൈബർ സെക്യൂരിറ്റി സമിതി ചെയർമാൻ ഇനി മലയാളി