Pravasiinfo

യുഎഇയിൽ പ്രവാസി മലയാളി യുവാവിന് ദാരുണാന്ത്യം. ഓടിക്കൊണ്ടിരിക്കെ വാഹനത്തിന്റെ ടയർ പൊട്ടിത്തെറിച്ചുണ്ടായ അപകടത്തിലാണ്
മലപ്പുറം വൈരങ്കോട് പല്ലാർ സ്വദേശി മുസവിർ (24) മരിച്ചത്. അബൂദബി അൽഐൻ റോഡിലെ അൽ ഖതം എന്ന സ്ഥലത്ത് വെച്ച് ബുധനാഴ്ച വൈകുന്നേരം മുസവിർ ഓടിച്ചിരുന്ന വാഹനത്തിൻറെ ടയർ പൊട്ടിയതിനെ തുടർന്നാണ് അപകടമുണ്ടായത്.
അൽ ഐൻ സനാഇയ്യയിലെ ഒരു ഫുഡ്‌ സ്റ്റഫ് സ്ഥാപനത്തിലെ ജീവനക്കാരനായിരിന്നു. അൽഐൻ ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തയാക്കി വ്യാഴാഴ്ച വൈകുന്നേരം നാട്ടിലേക്ക് കൊണ്ട് പോയി.
മണ്ണൂപറമ്പിൽ മുഹമ്മദ്‌ മുസ്തഫയുടെയും സാബിറ ഇല്ലിക്കലിന്റെയും മകനാണ്. . മൂന്ന് സഹോദരിമാരും ഒരു സഹോദരനുമുണ്ട്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EANBHWLFffe92xCMznk7pv