ആഭരണങ്ങൾ മോഷ്ടിച്ചെന്ന് ആരോപിച്ച ഭാര്യ നഷ്ടപരിഹാരം നൽകണമെന്ന് ഭർത്താവ്
അബുദാബി : ആഭരണങ്ങളും മറ്റ് വസ്തുക്കളും ഭർത്താവ് മോഷ്ടിച്ചെന്ന് ആരോപിച്ച് ഭാര്യ പരാതി നൽകി. ഇതിനെത്തുടർന്ന് തനിക്ക് 500,000 ദിർഹം നഷ്ടപരിഹാരം നൽകണമെന്ന് ആവശ്യപ്പെട്ട് അബുദാബി സ്വദേശിയായ ഭർത്താവ് ഭാര്യക്കെതിരെ സിവിൽ കേസ് ഫയൽ ചെയ്തു.തന്റെ വീട്ടിൽ നിന്ന് 500,000 ദിർഹം വിലമതിക്കുന്ന ആഭരണങ്ങളും ബാഗുകളും വസ്ത്രങ്ങളും ഭർത്താവ് മോഷ്ടിച്ചുവെന്നായിരുന്നു ഭാര്യ നൽകിയ പരാതി. എന്നാൽ മതിയായ തെളിവുകൾ ലഭിക്കാത്തതിനെത്തുടർന്ന് അബുദാബി ക്രിമിനൽ കോടതിയും അപ്പീൽ കോടതിയും ഭർത്താവിനെ വെറുതെവിട്ടു.ഭാര്യ കേസ് നൽകിയതോടെ തനിക്ക് മാനഹാനിയും നാശനഷ്ടങ്ങളും സംഭവിച്ചുവെന്ന് അദ്ദേഹം അറിയിച്ചു.തുടർന്ന് നഷ്ടപരിഹാരം ആവശ്യപ്പെട്ട് ഭാര്യക്കെതിരെ സിവിൽ കേസ് ഫയൽ ചെയ്തു. ഫസ്റ്റ് ഇൻസ്റ്റൻസ് കോടതിയിൽ നിന്നും അപ്പീൽ കോടതിയിൽ നിന്നുമുള്ള രണ്ട് വിധികളുടെയും പകർപ്പുകൾ കോടതിയിൽ ഹാജരാക്കിക്കൊണ്ട് പരാതിക്കാരൻ തന്റെ അവകാശവാദങ്ങളെ പിന്തുണച്ചു.എന്നാൽ വ്യക്തിക്ക് നാശനഷ്ടം സംഭവിച്ചുവെന്നോ അദ്ദേഹത്തിന്റെ പ്രശസ്തിക്ക് കേടുപാടുകൾ സംഭവിച്ചുവെന്നോ തെളിയിക്കുന്ന തെളിവുകളൊന്നും ഇല്ലെന്നും തന്റെ കക്ഷിക്കെതിരായ കേസ് തള്ളിക്കളയണമെന്നും ഭാര്യയുടെ അഭിഭാഷകൻ കോടതിയോട് ആവശ്യപ്പെട്ടു.എല്ലാ കക്ഷികളിൽ നിന്നും വാദം കേട്ട ശേഷം കോടതി ഇയാളുടെ നഷ്ടപരിഹാര അവകാശവാദം നിരസിക്കുകയും കേസ് തള്ളുകയും ചെയ്തു.ഇയാൾക്ക് ഭൗതികമോ ധാർമ്മികമോ ആയ നാശനഷ്ടങ്ങൾ ഉണ്ടായതിന് തെളിവില്ലെന്നും കോടതി അറിയിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Lw1dHvv807iKIFpHAQPBlY
Comments (0)