യുഎഇയിലെ അസ്ഥിരമായ കാലാവസ്ഥ: പ്രവര്‍ത്തന സമയം നീട്ടി മെട്രോ
അസ്ഥിര കാലാവസ്ഥയുമായി ബന്ധപ്പെട്ട് പ്രവര്‍ത്തന സമയം നീട്ടി ദുബായ് മെട്രോ. ചൊവ്വാഴ്ചത്തെ (ഏപ്രില്‍ 16) മെട്രോയുടെ പ്രവര്‍ത്തന സമയം ബുധനാഴ്ച പുലര്‍ച്ചെ 3:00 വരെ നീട്ടുമെന്ന് ദുബായിലെ റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ) അറിയിച്ചു. രാജ്യത്ത് നിലനില്‍ക്കുന്ന അസ്ഥിരമായ കാലാവസ്ഥയില്‍ യാത്രക്കാരുടെ യാത്ര സുഗമമാക്കുന്നതിനാണ് വിപുലീകരണം. ന്യൂനമര്‍ദ്ദം രാജ്യത്തുടനീളം വീശുന്നതിനാല്‍ അബുദാബി, ദുബായ്, ഷാര്‍ജ, ഫുജൈറ, റാസല്‍ഖൈമ എന്നിവിടങ്ങളില്‍ വ്യത്യസ്ത തീവ്രതയിലുള്ള മഴ റിപ്പോര്‍ട്ട് ചെയ്തു. അല്‍ മക്തൂം ഇന്റര്‍നാഷണല്‍ എയര്‍പോര്‍ട്ട്, സായിദ് ഇന്റര്‍നാഷണല്‍ എയര്‍പോര്‍ട്ട്, അല്‍ ബത്തീന്‍ എയര്‍പോര്‍ട്ട്, ഷാര്‍ജ, ഫുജൈറ വിമാനത്താവളങ്ങള്‍ എന്നിവയുള്‍പ്പെടെയുള്ള പ്രധാന വിമാനത്താവളങ്ങളില്‍ ഇടിമിന്നലുണ്ടായതായി കാലാവസ്ഥാ വകുപ്പ് വ്യക്തമാക്കി.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EANBHWLFffe92xCMznk7pv
Comments (0)