Pravasiinfo

യുഎഇയിൽ ബലാത്സംഗത്തിന് ഇരയാകുന്ന സ്ത്രീകൾക്ക് ഗർഭഛിദ്രം അനുവദിക്കാൻ തീരുമാനം. – ബലാത്സംഗത്തിൻ്റെയോ അഗമ്യഗമനത്തിൻ്റെയോ ഫലമാണെങ്കിൽ, ലൈസൻസുള്ള ഒരു ഫിസിഷ്യന് നടപടിക്രമം നടത്താം. നിയമവിധേയമായി ഗർഭച്ഛിദ്രത്തിന് അനുമതി നൽകുന്നതിന് പ്രഖ്യാപിച്ച നിയമങ്ങളുടെ ഭാഗമായാണ് തീരുമാനം. സ്ത്രീകളുടെ സമ്മതമില്ലാതെ നടന്ന ശാരീരിക ബന്ധത്തിലുണ്ടായ ഗർഭം ഒഴിവാക്കാൻ അനുമതി നൽകുന്നതാണ് യു.എ.ഇയിലെ പുതിയ നിയമം. ഗർഭധാരണത്തിന് കാരണക്കാരൻ സ്ത്രീയുമായി വിവാഹ ബന്ധത്തിന് യോഗ്യനല്ലാത്ത ബന്ധുവാണെങ്കിലും ഗർഭച്ഛിദ്രത്തിന് അപേക്ഷ നൽകാം. നിയമവിധേയമായി അബോർഷൻ അനുവദിക്കുന്ന സാഹചര്യങ്ങളിൽ ഇവ കൂടി ഉൾപ്പെടും. ഗർഭധാരണം സ്ത്രീയുടെ ജീവന് അപകടമുണ്ടാക്കുന്ന സാഹചര്യത്തിലോ ഗർഭസ്ഥശിശുവിന് വൈകല്യമുണ്ടെന്ന് തെളിയിക്കപ്പെട്ടാലോ മാത്രമാണ് മുമ്പ് അബോർഷന് അനുവദിച്ചിരുന്നത്. അടിയന്തിര ശസ്‌ത്രക്രിയാ ഇടപെടൽ ആവശ്യമായ അടിയന്തിര സാഹചര്യങ്ങളിൽ മാതാപിതാക്കളുടെ/രക്ഷകൻ്റെ സമ്മതം ഒരു വ്യവസ്ഥയായിരിക്കില്ല.

ലൈസൻസ് ഉള്ള ആശുപത്രിയിയിൽ യോഗ്യതയുള്ള വിദഗ്ധർ മാത്രമാണ് ഗർഭച്ഛിദ്രം നടത്തേണ്ടത്. ഗർഭാവസ്ഥ 120 ദിവസം പിന്നിട്ടാൽ അബോർഷൻ അനുവദിക്കില്ല, ഗർഭച്ഛിദ്രം ഗർഭിണിയുടെ ജീവൻ അപകടത്തിലാക്കുമെങ്കിലും അനുമതി കിട്ടില്ല. എമിറേറ്റികൾക്കും പ്രവാസികൾക്കും നിയമം ബാധകമാണ്. അഭ്യർത്ഥന സമർപ്പിക്കുന്ന തീയതിക്ക് കുറഞ്ഞത് ഒരു വർഷമെങ്കിലും എമിറാത്തികൾ അല്ലാത്തവർ യുഎഇയിൽ നിയമപരമായി താമസിച്ചിരിക്കണം.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DvVM3Xxcs2LDVtv1LaJl9o

ടൈപ്പ് ചെയ്യാൻ ബുദ്ധിമുട്ടുന്നവരാണോ നിങ്ങൾ? എന്നാൽ നമ്മൾ പറയുന്നവ ഏതൊരു ഭാഷയിലും ടൈപ്പ് ചെയ്ത് തരുന്ന ഈ ആപ്പ് ഡൗൺലോഡ് ചെയ്യൂ

ജോലി ഇല്ലെങ്കിലും 20 വർഷമായി മുടങ്ങാതെ ശമ്പളം നൽകി, കമ്പനിക്കെതിരെ പരാതിയുമായി വനിത

പ്രവാസി മലയാളി നാട്ടിൽ നിര്യാതനായി