dubai police fineയുഎഇയിൽ ട്രാഫിക് പിഴകളിൽ 35% വരെ ഇളവ് ലഭിക്കും; എങ്ങനെയെന്ന് പരിശോധിക്കാം
അബുദാബി: ട്രാഫിക് നിയമലംഘനങ്ങൾ നടത്തുന്നവർക്ക് യുഎഇയിൽ ട്രാഫിക് പിഴകളിൽ 35% വരെ ഇളവ് ലഭിക്കും. കുറ്റകൃത്യം ചെയ്ത് രണ്ട് മാസത്തിനുള്ളിൽ (60 ദിവസം) ട്രാഫിക് പിഴയടച്ചാൽ വാഹനമോടിക്കുന്നവർക്ക് 35 ശതമാനം ഇളവും ഒരു വർഷത്തിൽ 25 ശതമാനം ഇളവും നൽകുമെന്ന് ബുധനാഴ്ച പുറത്തിറക്കിയ പ്രസ്താവനയിൽ പോലീസ് പറഞ്ഞു dubai police fine. വാഹനമോടിക്കുന്നവർ ട്രാഫിക് പിഴകൾ നേരത്തേ അടയ്ക്കുന്നതിനും വാഹനം പുതുക്കുന്നതിനുമുള്ള ഈ പുതിയ പദ്ധതി പ്രയോജനപ്പെടുത്താൻ അബുദാബി പോലീസ് പുതിയ ബോധവൽക്കരണ കാമ്പയിൻ ആരംഭിച്ചു. ട്രാഫിക് നിയമലംഘനങ്ങൾക്കുള്ള പിഴ അടയ്ക്കാൻ വാഹന ഉടമകളെ പ്രേരിപ്പിക്കുക, ട്രാഫിക് പിഴകൾ നേരത്തെ അടയ്ക്കുന്നതിന്റെ പ്രയോജനങ്ങൾ, ക്ലിയറിങ് വൈകുന്നതിന്റെ അനന്തരഫലങ്ങൾ എന്നിവയെക്കുറിച്ച് പൊതുജന അവബോധം വർദ്ധിപ്പിക്കുക എന്നതാണ് കാമ്പയിൻ ലക്ഷ്യമിടുന്നതെന്ന് അബുദാബി പോലീസിലെ ട്രാഫിക് ആൻഡ് പട്രോൾസ് ഡയറക്ടറേറ്റ് ഡയറക്ടർ ബ്രിഗേഡിയർ മുഹമ്മദ് ദാഹി അൽ ഹുമൈരി പറഞ്ഞു. ട്രാഫിക് പിഴകൾ അടയ്ക്കാൻ കഴിയുന്ന സൗകര്യങ്ങളെയും ചാനലുകളെയും കുറിച്ചുള്ള പൊതുജന അവബോധം വർദ്ധിപ്പിക്കാനും ഇത് വഴി സാധിക്കുമെന്നും അദ്ദേഹം പറഞ്ഞു. അബുദാബി സർക്കാരിന്റെ ഡിജിറ്റൽ ചാനലുകൾ, പോലീസിന്റെ ഉപഭോക്തൃ സേവന പ്ലാറ്റ്‌ഫോമുകൾ എന്നിവ മുഖേന നേരിട്ട് ഫൈൻ അടയ്ക്കാൻ കഴിയും. കൂടാതെ, അഞ്ച് ബാങ്കുകളുമായി സഹകരിച്ച് ബാങ്കുകളുടെ മൊബൈൽ ആപ്ലിക്കേഷനുകളിലൂടെയും പിഴ അടയ്ക്കാൻ സൗകര്യമുണ്ട്. അബുദാബി കൊമേഴ്സ്യൽ ബാങ്ക് (എഡിസിബി), അബുദാബി ഇസ്ലാമിക് ബാങ്ക് (എഡിഐബി), ഫസ്റ്റ് അബുദാബി ബാങ്ക് (എഫ്എബി), മഷ്രെഖ് അൽ ഇസ്ലാമി, എമിറേറ്റ്സ് ഇസ്ലാമിക് ബാങ്ക് എന്നിവ ഇതിൽ ഉൾപ്പെടുന്നുണ്ട്. ബാങ്ക് സേവനം ലഭിക്കാൻ, ഡ്രൈവർമാർക്ക് ഈ ബാങ്കുകളിലൊന്ന് നൽകുന്ന ക്രെഡിറ്റ് കാർഡുകൾ ഉണ്ടായിരിക്കണം. ട്രാഫിക് പിഴകൾ തവണകളായി അടയ്‌ക്കുന്നതിന് വാഹനമോടിക്കുന്നവർ ബുക്ക് ചെയ്‌ത തീയതി മുതൽ രണ്ടാഴ്ചയിൽ കൂടാത്ത കാലയളവിനുള്ളിൽ ബാങ്കുമായി നേരിട്ട് ബന്ധപ്പെടണം.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Lw1dHvv807iKIFpHAQPBlY
Comments (0)