യുഎഇയിൽ തൊഴിൽ താമസവിസയ്ക്ക് എങ്ങനെ അപേക്ഷിക്കാം? അറിയേണ്ട കാര്യങ്ങള്‍
യുഎഇയില്‍ വിദഗ്ധ ജോലി ചെയ്ത് രാജ്യത്ത് താമസിക്കുന്നതിന് ആഗ്രഹിക്കുന്നെങ്കില്‍ രണ്ട് തരം വിസകള്‍ക്ക് അപേക്ഷിക്കാം. രണ്ടുതരം വിസകളാണുള്ളത്- സ്റ്റാൻഡേർഡ് വർക്ക് വിസയും (ഇത് രണ്ടോ മൂന്നോ വർഷത്തേക്ക് സാധുതയുള്ളതാണ്) അല്ലെങ്കിൽ ജോലിക്ക് അഞ്ച് വർഷത്തെ ഗ്രീൻ വിസയും. മെയിൻലാൻഡ് കമ്പനിയിലോ ഫ്രീ സോൺ കമ്പനിയിലോ ജോലി ചെയ്യുന്ന ആളുകൾക്ക് നൽകുന്ന ഏറ്റവും സാധാരണമായ തൊഴിൽ വിസയാണിത്. ഈ വിസയ്ക്ക് അപേക്ഷിക്കുന്നത് ഒരു തൊഴിലുടമയുടെ ഉത്തരവാദിത്തമാണ്. അതിൽ ഉൾപ്പെട്ടിരിക്കുന്ന ചെലവുകൾക്കൊന്നും ജീവനക്കാർ നൽകേണ്ടതില്ല. ഇനിപ്പറയുന്നതുൾപ്പെടെ ചില രേഖകൾ തൊഴിലുടമയ്ക്ക് നൽകേണ്ടതുണ്ട്: വെള്ള പശ്ചാത്തലമുള്ള ഒരു കളര്‍ ഫോട്ടോ, പാസ്‌പോർട്ട് കോപ്പി, പാസ്‌പോർട്ടിനൊപ്പം കുറഞ്ഞത് ആറ് മാസത്തെ കാലാവധി, ആവശ്യമെങ്കിൽ സാക്ഷ്യപ്പെടുത്തിയ യൂണിവേഴ്സിറ്റി ബിരുദം. നിങ്ങൾ ഒരു ഫിസിഷ്യൻ, ഫാർമസിസ്റ്റ്, നഴ്സ്, ടീച്ചർ എന്നിവരാണെങ്കിൽ ബന്ധപ്പെട്ട അധികാരിയുടെ ഒരു അംഗീകാര കത്തും ആവശ്യമായി വന്നേക്കാം. യുഎഇക്ക് പുറത്ത് നിന്നാണ് ജോലിക്കെത്തിയതെങ്കിൽ, ആദ്യം യുഎഇയിലേക്ക് വരാൻ കഴിയുന്ന ഒരു എൻട്രി പെർമിറ്റ് ലഭിക്കും. പെർമിറ്റിന് രണ്ട് മാസത്തേക്ക് സാധുതയുണ്ട്. അതിനുള്ളിൽ തൊഴിൽ ദാതാവ് നിങ്ങളുടെ തൊഴിൽ വിസ ക്രമീകരിക്കണം. യുഎഇയില്‍ എത്തിക്കഴിഞ്ഞാൽ, ഒരു മെഡിക്കൽ ഫിറ്റ്നസ് ടെസ്റ്റ് നടത്തുകയും എമിറേറ്റ്സ് ഐഡിക്കായി ബയോമെട്രിക് ഡാറ്റയും (വിരലടയാളവും കണ്ണ് സ്കാനും) നൽകുകയും വേണം.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)