Pravasiinfo

ഡിജിറ്റൽ കണ്ടൻ്റ് പ്രൊഡ്യൂസർമാ‍ർക്കും സുവർണാവസരമൊരുക്കുകയാണ് യുഎഇ. സ്പോൺസറോ, ജോലിയോ ഇല്ലാതെ തന്നെ ഇനി ദുബായിൽ 10 വർഷം വരെ താമസിക്കാം. കണ്ടന്റ് റൈറ്റർമാർ, പോഡ്‌കാസ്റ്റർമാർ, വീഡിയോ പ്രൊഡ്യൂസർമാർ എന്നിവർക്കെല്ലാം യുഎഇ ഗോൾഡൻ വിസ നൽകും. ലോകമെമ്പാടുമുള്ള മികച്ച കണ്ടൻ്റ് ക്രിയേറ്റർമാർക്ക് യുഎഇയിൽ താമസിക്കാനും ജോലി ചെയ്യാനുമുള്ള അവസരങ്ങൾ ഇനി ലഭിക്കും. ദുബായിലെ ക്രിയേറ്റേഴ്‌സ് എച്ച്ക്യു എന്ന പുതിയ സംരംഭത്തിലൂടെയാണ് ഡിജിറ്റൽ ഉള്ളടക്ക സ്രഷ്ടാക്കൾക്കായി ‍യുഎഇ ഗോൾഡൻ വിസ പ്രോഗ്രാം വിപുലീകരിക്കുന്നത്. ലോകമെമ്പാടുമുള്ള കണ്ടൻ്റ് സ്രഷ്ടാക്കൾക്ക് യുഎഇയിൽ താമസിക്കാം. 10 വർഷത്തെ പുതുക്കാവുന്ന റെസിഡൻസി പെർമിറ്റുകളാണ് കമ്പനി വാഗ്ദാനം ചെയ്യുന്നത്.എഴുത്തുകാർക്ക് മാത്രമല്ല സോഷ്യൽ മീഡിയ പ്ലാറ്റ്‌ഫോമുകളിൽ വീഡിയോ ചെയ്യുന്നവർ, ഓഡിയോകളും, കണ്ടൻ്റും ക്രിയേറ്റുചെയ്യുന്നവ‍ർ എന്നിവർക്കും മികച്ച അവസരം ലഭിക്കും. ഇതിനായി2025 ജനുവരി 13-ന് എമിറേറ്റ്സ് ടവേഴ്സിൽ ക്രിയേറ്റേഴ്‌സ് ഹെഡ് ക്വാ‍ർട്ടേഴ്സ് എന്ന സംരംഭം പ്രവർത്തനം തുടങ്ങിയിട്ടുണ്ട്. കണ്ടൻ്റ് ക്രിയ്റ്റർമാർക്ക് വിഭവങ്ങളും സപ്പോട്ടും വാഗ്ദാനം ചെയ്യുന്ന ഇൻകുബേഷൻ സെന്ററായും ഇത് പ്രവർത്തിക്കുന്നു. ദുബായിലെ ഉയർന്ന നിലവാരമുള്ള ജീവിതശൈലിയ്ക്കൊപ്പം കണ്ടൻ്റ് ക്രിയേറ്റർമാർക്ക് മികച്ച അവസരങ്ങളും ലഭിക്കും. മെറ്റാ, ടിക് ടോക്ക്, എക്സ് എന്നിവയുൾപ്പെടെ പ്രമുഖ സാങ്കേതിക സ്ഥാപനങ്ങളുമായൊക്കെ ഇനിഷ്യേറ്റീവ് പങ്കാളിത്തത്തിൽ ഏർപ്പെട്ടിട്ടുണ്ട്. 20 രാജ്യങ്ങളിൽ നിന്നുള്ള 100 പേരെ ഇതിനോടകം തന്നെ യുഎഇ ക്ഷണിച്ചു കഴിഞ്ഞു.പുതിയ സംരംഭത്തെ പിന്തുണയ്ക്കുന്നതിനായി യുഎഇ സർക്കാർ കണ്ടന്റ് ക്രിയേറ്റേഴ്‌സ് സപ്പോർട്ട് ഫണ്ടിലേക്ക് 4080 കോടി ഡോളർ അനുവദിച്ചു കഴിഞ്ഞു. ഗോൾഡൻ വിസ അപേക്ഷകർക്കും, ബിസിനസ് രജിസ്ട്രേഷനുകൾക്കുമൊക്കെ ഫണ്ടിൽ നിന്ന് സഹായം ലഭിക്കും.2019 ൽ അവതരിപ്പിച്ച യുഎഇ ഗോൾഡൻ വിസ യുഎയിലെ ദീർഘകാല താമസവും നിരവധി ആനുകൂല്യങ്ങളും വിസ ഉടമകൾക്ക് നൽകുന്നു. 10 വർഷം വരെ യുഎഇയിൽ താമസിക്കാൻ മാത്രമല്ല വിസ പുതുക്കാനുമുള്ള ഓപ്ഷനുണ്ട്. വർക്ക് പെർമിറ്റോ തൊഴിൽ കരാറോ ഇല്ലാതെ തന്നെ ഈ വിസക്കുകീഴിൽ പണം സമ്പാദിക്കാം.

കുടുംബാംഗങ്ങളെയും വീട്ടുജോലിക്കാരെയും വിസയുടെ പരിധിയിൽ കൊണ്ടുവരാം.
അപേക്ഷകരുടെ പ്രായം 25 വയസോ അതിൽ കൂടുതലോ ആയിരിക്കണം.
ഡിജിറ്റൽ കണ്ടൻ്റ് പ്രൊഡ്യൂസർ എന്ന നിലയിലെ മികവുതെളിയിക്കുന്ന ട്രാക്ക് റെക്കോർഡ് ഉണ്ടായിരിക്കണം
.
സാമ്പത്തിക സ്ഥിരതയുള്ളയാളായിരിക്കണം. പാസ്‌പോർട്ട്, പ്രായത്തിൻ്റെ തെളിവ്, പ്രൊഫഷണൽ യോഗ്യതാപത്രങ്ങൾ, പ്രവൃത്തി പരിചയം, ഫിനാൻഷ്യൽ സ്റ്റേറ്റ്മൻ്റ് എന്നിവ സഹിതം അപേക്ഷിക്കാം.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

കത്തിമുനയില്‍ മോഷണം; യുഎഇയില്‍ പ്രവാസിയ്ക്ക് നഷ്ടപ്പെട്ടത് ലക്ഷങ്ങളുടെ വാച്ചുകളും മൊബൈല്‍ ഫോണുകളും

കത്തിമുനയില്‍ മോഷണം; യുഎഇയില്‍ പ്രവാസിയ്ക്ക് നഷ്ടപ്പെട്ടത് ലക്ഷങ്ങളുടെ വാച്ചുകളും മൊബൈല്‍ ഫോണുകളും